Zenbaki arrunten arteko biderketa talde handian aurkeztea. Zenbait ariketa segidan egitea, elementu garrantzitsu bakoitza ulertzeko (60 minutu inguru).
Gaia aurkezteko, biderketa zenbait modutan aplikatzen den egoera problematiko baten bidez egitea proposatzen dizugu: Detektibeak.
Erabil ezazu arbela diapositibak erakusteko, eta eskatu ikasleei galdera guztiak ebazteko, ikaskide guztiei pentsatzeko eta ebazteko denbora eman ondoren. Datu guztiak gogoan hartu beharko dituzte, kasua ebazteko baliagarriak izan daitezke-eta.
Oso baliagarria izango da arrazoibideak elkarri azaltzea, biderketaren erabilerei buruz gogoeta egiteko, eta arazo bera beste eragiketa batzuen bidez ebatz daitekeen pentsatzeko.
Ondoren, aurkez itzazu biderketari lotutako kontzeptuak eta horren propietateak. Baduzu elementu bakoitza definitzen lagunduko dizun aurkezpen bat.
Baliabideen atalean aurkituko dituzun biderketa eta eragiketa konbinatuen ariketak eman diezazkiekezu ikasleei.
Amaitzeko, oraindik denborarik badago, biderketaren eguneroko bizitzako erabilerari buruzko diapositibekin itxiko dugu saioa, eta biderketa erabiltzen den eguneroko egoera gehiago pentsatzeko eskatuko diegu ikasleei, hala nola segidako batuketak, banaketa uniformeko problemak, konbinatoria-problemak, etab.
Gaia aurkezteko, ikasleek problemak ebatziko dituzte.
Maisuak gidatuta, aurkikundez, biderketari lotutako kontzeptuak eta horren propietateak azalduko dira.
Saio osoan zehar, orotariko problemak eta ariketak egingo dituzu, eta ikaskuntza-prozesua ebaluatzeko erabil daitezke.
Plantea itzazu etxean ebazteko indartze-ariketak.