Gorputz geometrikoak aurkitzen
- Hasiera
- Informazio orokorra
- Curriculum-esparrua
- Ikasleentzako materiala
- Irakasleentzako materiala
- Objektu-mapa
Ikasleek, ADean proiektatutako irudietan eta benetako lekuetan, aurreko ikasturteetan landutako gorputz geometrikoak identifikatuko dituzte. Poliedroaren (motak eta horiek osatzen dituzten elementuak: oinarria, aurpegiak, ertzak eta erpinak) eta gorputz biribilaren (konoa, zilindroa eta esfera) kontzeptuak landuko dituzte, jarduera elkarreragileak eginez, eta landutako kontzeptu nagusien talde-aurkezpen bat sortuz.
Gaia testuinguruan kokatuko da, gorputz geometrikoek ikaslearen ingurunean duten eragina eta existentzia ikusita.
Testu-bertsioaSaioak:
Carme Martinez eta Vimartic Taldea
Ikasgela
Ordenagailu eramangarrien / Pertsonalaren ikasgela
Iraupena:
1. saioa: ikasleek landuko den gaiari buruz dituzten aurretiko ezaguerak finkatzea: Gorputz geometrikoak identifikatzea, eta horiek osatzen dituzten elementuak azaltzea, ADean irudiak proiektatuz. Poliedroak eta gorputz biribilak bereiztea (ordu 1).
2. saioa: jarduerak egitea eta gorputz geometrikoen antza duten inguruko objektuen irudiak bilatzea (ordu 1).
3. saioa: gorputz geometrikoei buruz landutako alderdiak biltzen dituen aurkezpen bat sortzea. Binakako lana (ordu 1). Aldi berean, Plastika eta Ikus-hezkuntza gaian, landutako gorputz geometrikoak eraiki daitezke, txantiloi inprimagarriak erabiliz.
4. saioa: bateratze-lana (ordu 1).
5. saioa: zenbait ariketa digital ebaztea, landutako helburuak egiaztatzeko eta ebaluatzeko (ordu 1).
Inguruko leku eta irudien proiekzioen bidez ikasiko dituzte ikasleek gorputz geometrikoak. Leku urrun baina oso ezagunekin hasi, eta eguneroko inguruneko ohiko objektuekin amaituko dugu.
Gero, landutako gorputz geometriko bakoitza osatzen duten elementuak analizatu beharko dituzte irakaslearekin.
Ikasleak binaka ezarririk, zenbait motatako gorputz geometrikoak banatuko zaizkie, diapositiba-aurkezpen baten bidez azal ditzaten landutako gorputzari buruzko hainbat alderdi (izena, irudia, osatzen duten elementuak…).
Ondoren, lan bakoitzaren azalpena egingo dute.
Ikasleen lanak prozesuan zehar bereganatutako ezaguerak islatuko ditu, eta jarduera eta ebaluazio-bitarteko gisa erabiliko da.
Lehen Hezkuntza
Hirugarren Zikloa
Bosgarrena
Matematika
Lehen Hezkuntza
Hirugarren Zikloa
Bosgarrena
Plastika
- Matematika
- Matematikarako gaitasuna
- Informazioa tratatzeko eta teknologia digitala erabiltzeko gaitasuna
- Ikasten ikasteko gaitasuna
- Espazioa eta forma
- Teknologiaren eremua
- Oinarrizko geometria-nozioak eta irudikapen espazialerako sistemak erabiltzea
- Forma eta erlazio geometrikoen ezagutza erabiltzea
- Ikasten eta pentsatzen ikastea – Ikasteko ohiturak
- Ikasten eta pentsatzen ikastea – Arazo zientifiko eta matematikoak
- Komunikatzen ikastea – Informazioaren teknologiak
- Matematikak eguneroko bizimoduan duen egitekoa aintzakotzat hartzea
- Matematika gure kultura osatzen duten zatietako bat den heinean balioztatzea
- Natura- eta kultura-inguruneko forma geometrikoak identifikatzea
- Ezagutza matematikoa erabiltzea informazioak eta mezuak ulertzeko, balioesteko eta sortzeko
- Objektuen eta espazioen luzera, azalera, pisu eta edukieren estimazioa
- Matematika-edukiak ulertzen lagungarri izango diren askotariko material didaktikoak erabiltzea
- Ea interpretatzen eta deskribatzen dituen bizitzako egoerak, mezuak eta gertaerak, horretarako oinarrizko hiztegi geometrikoa erabilita
- Ea ardura zaion matematika-jarduera
- Ea ardura zaion matematika-lanak txukun eta ordenatuta aurkeztea
- Ea bere buruarengan konfiantzarik duen matematika-jarduerak egitean
- Ea erakusten duen autonomiarik matematika-edukiak eguneroko bizitzan aplikatzean, eta ea gai den haien arteko erlaziorik ezartzeko
Proposamen didaktiko honetan, gorputz geometrikoak inguruan ditugula ikasiko dugu. Nola sailkatzen diren eta zer elementuk osatzen dituzten ikasiko ditugu.
Interneten irudiak bilatuta, edo eskura ditugun objektuen argazkiak eginda landuko ditugu gorputz geometrikoak.
Denon artean, aurkezpen didaktiko bat sortuko dugu, eta, bertan, gorputz geometriko nagusiak izango ditugu, irudiak eta horiek osatzen dituzten elementu nagusiak barne.
1. Ingurunean dauden gorputz geometrikoekiko harremana.
2. Gorputz geometrikoak: sailkapena eta horiek osatzen dituzten elementuak.
3. Landuko den gorputz geometrikoaren elementu nagusien, ezaugarrien eta adibideen irudiekin diapositiba bat sortzea.
4. Lanaren aurkezpena.
5. Sintesi-jarduerak.
Dokumentu honekin, saioen ebaluazioak kontuan hartzeko alderdiak ikus ditzakegu.
Gaia talde handian aurkeztea. Talde txikietan sakontzea. Aurkezpen bidezko sintesia.
Ingurua ezagutuz, eta azalpen gidatuaren bidez ikasi dituzten kontzeptuak gogoratuz eta errepasatuz hasiko gara.
Hortik aurrera, gaiaren kontzeptu eta elementuetan sakonduko dugu, landuko diren gorputz geometrikoak analizatuz.
Amaitzeko, talde txikian egindako lanak aurkeztuta, sintesia egingo dugu.
Proposamen honek hainbat metodologia didaktiko konbinatzen ditu saio bakoitzean.
Lehenengoan, ikasleek behaketa eta aurkikuntza landuko dituzte, maisuak/maistrak gidatuta. Unitateko oinarrizko kontzeptuak azalduko dira.
Ondoren, talde-lanaren teknika erabiliko da, ikasleek, irakasleak azaldutako jarraibideei jarraituz, diapositiba-proiekzio bat sor dezaten.
Laugarren saioan, lanaren aurkezpena eginda, hori baloratu, eta aurki daitezkeen akatsak zuzenduko dituzte.
Azkenik, bosgarren saio batean, jarduera elkarreragileekin sintesia eta banakako jokoa egingo da, ikasitakoa finkatzeko baliagarria izango dena.
Proposamen honek hiru baliabide atxiki ditu, ikusteko edo bereiz deskargatzeko:
Gorputz geometrikoen altxaerari buruzko animazioak: laguntza-materialak.
Forma geometrikoa duten eraikinen aurkezpenak: laguntza-materialak.
Gorputz geometrikoen aurkezpenak: laguntza-materiala.
Writer, Kalk, Impress, Draw eta Base dituen OpenOffice.org nola instalatu erakusten duen urratsez urratseko azalpena.
Artxiboak konprimatzeko 7-zip programa nola lortu eta instalatu erakusten duen bideo-tutoriala.
Bideo-tutoriala: 7-zip erabiliz, artxiboak konprimatu eta deskonprimatu
Bideo-tutoriala: Winrar lortzea eta instalatzea
Winrar erabiliz, artxiboak nola konprimatu eta deskonprimatu erakusten duen bideo-tutoriala.
Bideo-tutoriala: Kalk erabiliz, kalkulu-orri bat nola sortu.
Mateabenturak: Gorputz geometrikoak (kolorea)
Eskaintzen dizugun tutorialarekin, ikaslea kuantitatiboki ebaluatzeko dokumentuan orotariko kalkuluak egiteko formula matematikoak gehitu ditzakezu.
Bi deskonprimagailu hauek dituzu, proposamen honetako artxibo konprimatuekin behar bezala lan egiteko.
