AURKEZPENA

Sekuentzia didaktiko honetan, ikasleak ikusmen urriko pertsonen ikuspegitik aztertuko ditu aisialdia emateko hainbat modu. Ikusmen-urritasunak zenbait jarduera baldintzatu bai, baina eragotzi ez dituela egiten ikusiko du.

Unitatea 4-6 saiotan egitekoa da; saio bakoitzean, aisialdia emateko moduei buruzko kontzeptu bat landuko da.

HELBURUAK

• Ikusmen urriko pertsonek aisialdiko jardueretan dituzten arazoei eta zailtasunei buruz sentsibilizatzea.
• Gizarte inklusibo baten alde, ikusmen-urritasuna duten pertsonekiko banako eta taldeko kontzientzia bultzatzea.
• Ikusmen-urritasuna duen kolektiboaren gizarte-integrazioa sustatu eta bizi-kalitatea hobetzea.
• Ikusmen-urritasunak dituzten pertsonekiko begikotasuna eta enpatia, eta laguntzeko jarrera izatea.
• Jakitea zer egokitzapen egiten diren aisialdiko zenbait jardueratan ikusmen-urritasuna duten pertsonen integrazioa eta normalizazioa errazteko

EDUKIAK

KONTZEPTUAK	PROZEDURAK	JARRERAK
Irisgarritasuna zineman. Irisgarritasuna museoan. Bideojokoen erabilerraztasuna. Sakelako telefonoen erabilerraztasuna. Ikusmen urriko pertsonek animaliak identifikatzeko dituzten moduak.	Aisialdiko jardueretako irisgarritasun-arazoak konpontzeko irtenbideak bilatzea. Aisialdiko jarduerak itsuen ikuspegitik egitea. Ikusmen urriko pertsonek aisialdiko jardueretan dituzten beharrak ikustea eta aztertzea. Ikusmen urriko pertsonek aisialdiko jardueretan dituzten zailtasunak aztertzea.	Ikusmen urriko pertsonen beharrak aintzat hartzea. Itsuei sarrera trabatzen dieten arkitektura-oztopoak kritikoki aztertzea. Ikusmen urriko pertsonen eskubideak babestea. Ikusmen urriko pertsonekiko enpatiazko jarrera izatea.

METODOLOGIAREN AZALPENA Sekuentzia didaktikoa gaikako hiru bloketan egituratuta dago: ZINEMA ETA MUSEOA INFORMATIKA-JOKOAK ANIMALIAK Sekuentzia didaktikoaren hasieran sarrera orokor bat egiten da: hausnarketarako galdera batzuk eta gaikako bloke bakoitzerako lotura agertzen dira. Ikasle bakoitzak komenigarri iruditzen zaion moduan landu dezake gaikako bloke bakoitza. Unitatearen amaieran, gaikako hiru blokeak landu ondoren, ikasitakoa aplikatzeko jarduera bat proposatzen da, taldeka egiteko, bai eta autoebaluazioa egiteko galderak ere.

GAITASUNAK Jardueren bidez ikasleek honako gaitasun hauek garatzea erraztu behar du irakasleak: gizarterako eta herritartasunerako gaitasuna zientzia-, teknologia-, eta osasun-kulturarako gaitasuna hizkuntza-komunikaziorako gaitasuna informazioa tratatzeko eta teknologia digitala erabiltzeko gaitasuna giza- eta arte-kulturarako gaitasuna ikasten ikasteko gaitasuna norberaren autonomiarako eta ekimenerako gaitasuna

BALIABIDEAK

	BALIABIDEAK
0. Sarrera Hausnartu Gehiago jakiteko: talde-lana Autoebaluazioa	Autoebaluaziorako galdeketa Acceedu: "Talde-lana"
1. Zinema eta museoa Banakako jarduera (3) Taldekako jarduera (2)	Acceedu: “audiodeskripzioa” JClic: Egia ala okerra 1
2. Informatika-jokoak Banakako jarduera (2) Taldekako jarduera (3)	PDF: “Street Fighter” PDF: “Itsuentzako bideojokoa” JClic: Egia ala okerra 2 Smart: Bidali mezua Smart: Irakurri mezua
3. Animaliak Banakako jarduera (2) Taldekako jarduera (1)	Acceedu: “Soinuak identifikatu” Jclic “Animaliak”

EBALUAZIOAREN AZALPENA

Prestakuntza-ebaluazioa egitea proposatzen da. Horretarako, oinarri izango dira ikerketa-lanen berrikusketa, elkarrekin egindako lanetan izandako parte-hartzearen jarraipena eta jardueretan lortutako emaitzen jarraipena.

Horretarako, zenbait ebaluazio-irizpide ematen ditugu, ikasleak jakin dezan zeren arabera ebaluatuko duten eta irakasleak erreferentzia bat izan dezan bere ebaluazio-lanerako.

Honako hauek dira ebaluazio-irizpideak:

• Badaki zer egokitzapen egin behar diren itsuek edo ikusmen urriko pertsonek aisialdiko jarduerak egin ahal ditzaten.
• Ulertzen du zer behar dituzten ikusmen urriko pertsonek aisialdiko jarduerak egiteko.
• Garrantzitsua iruditzen zaio ikusmen-urritasuna duten pertsonen eskubideak defendatzea eta haiek normaltasunez gizarteratzearen alde borrokatzea.
• Aitortzen du itsuei edota ikusmen urriko pertsonei aisialdiko jarduerak erraztearen garrantzia, haien gizarteratzea sustatzeko.
• Autonomiaz ikertzen du sareko zenbait informazio-iturritan.
• Informazioa sintetizatzeko eta kritikoki aztertzeko lanak egiten ditu.
• Lantaldeetan parte hartzen du, zereginak egiteko

Era berean, ikasleek eskuragarri dute autoebaluazio-galdeketa, euren ikasketen jabetze-maila eta taldekako jardueretan izandako betetze eta parte-hartze maila ebaluatzeko.

Horrez gain, ikasleak autoebaluaziorako galdetegi bat ere badu, zenbat ikasi duen eta taldeko lanetan nola jarduten duen eta zenbateraino parte hartzen duen ebaluatzeko.