OLINPIAR JOKO BEREZIAK
Ikusmen-urritasuna duten pertsonek ere egin ditzakete kirol-jarduerak. Kirol asko egokitu egin daitezke ikusmen urriko pertsonek horietan jardun ahal izan dezaten.
Horren adibide argia dira olinpiar joko bereziak, gorputz-, adimen- eta zentzumen-urritasuna duten atletentzako lehiaketa olinpiko ofiziala direnak.
Ez da urritasuna kirolari horiengan benetan miresgarria dena, kirol-lorpenak eta gainditze pertsonala baizik.
HAUSNARTU
Jarraian, galdera batzuk proposatzen dizkizugu zure lagunekin hausnartu eta eztabaidatu ditzazun.
- Urritasuna duten kirolariek lehiaketa olinpiko orokorrean parte hartu behar lukete?
- Urritasun mota ezberdina duten pertsonak kirol berean jardun daitezke?
- Urritasun bat edo beste izan arren, baldintza berdinetan daude?
- Urritasun-mailaren araberako kategoriak egon behar lukete?
- Zer kirolarik lortzen dituzte emaitza hobeak olinpiadetan, joko berezietakoek ala lehiaketa orokorrekoek?
JARDUERAK
1. TALDEKAKO JARDUERA: Hiruzpalau pertsonako taldeetan, iker ezazue zer kiroletan edo kirol-kategoriatan lehiatzen diren olinpiar joko berezietan, eta bilatu nola parte har dezakeen joko horietan ikusmen urriko pertsona batek. Kirol horietako bakoitzaren irudiak bilatzera eta informazio guztia bildu ostean klasean aurkezpen bat egitera animatzen zaituztet.
Jarduera egiteko, informazioa eta irudiak bilduko dituen gehienez 10 diapositibako aurkezpena egin dezakezu PowerPointen, edo bestela, gutxi gorabehera 5 minutuko luzera duen bideoa egin Windows Media Playerrekin.
Ariketa amaitzean, egin zuen azalpenak ikasgelan.
GARAPENA
|
ATALAK |
SAKONTZEKO JARDUERAK
IKER EZAZU: Gustuko duzun eta unitate honetan aztertu ez dugun kirol bati buruz iker dezazun animatzen zaitut; adibidez, eskia. Lehenengo, aukeratu ezazu interesatzen zaizun kirola eta, gero, bilatu honako informazio hau:
- Zer egokitzapen beharko lituzke ikusmen urriko pertsona batek kirol hau egiteko?
- Eta beste urritasun mota bat duten pertsonek?
- Bilatu ezazu urritasuna duten pertsonak (ahal bada ikusmenekoak) kirol hori egiten agertzen diren bideoren bat.
Bildu informazioa dokumentu batean, eta bidal iezaiozu irakasleari hark ebaluatu dezan. AUTOEBALUAZIOA
Ebaluatu zure jarduna unitatean hemen.
