SARRERA

Unitate honetan, gorputz geometrikoak bereizten eta sailkatzen, eta poligonoen azalerak kalkulatzen ikasiko du ikasleak. Horretarako, zenbaki hamartarrekin egindako eragiketak eta kontzeptu geometrikoak menderatu beharko ditu, angeluak identifikatzeko edo bolumenak eta gorputz geometrikoen edukierak aurkitzeko.

Aurretiko ezagutzak:

• Problemak ebazten dituzte zenbait aldagai erabiliz.
• Zenbaki osoez eragiketa matematikoek egiten dituzte.
• Angeluak identifikatu eta kalkulatzen dituzte.
• Neurri-unitateak erabiltzen dituzte.
• Zenbaki hamartarrez eragiketa matematikoek egiten dituzte.
• Oinarrizko kontzeptu geometrikoak erabiltzen dituzte.

HELBURUAK

• Planoaren eta espazioaren elementuak bereiztea eta inguruan identifikatzea.
• Planoaren zuzenen artean eman daitezkeen posizio erlatiboak bereiztea.
• Planoaren elementuak identifikatzea, hala nola angeluak, segmentuak, zuzenerdiak eta planoerdiak.
• Marrazketarako tresnak (erregela, konpasa, eskuaira, kartaboia eta angelu-garraiagailua) egoki erabiltzea irudi geometrikoak egiteko.
• Geometriaren erabilgarritasuna baloratzea inguruko ohiko problemak ebazteko.
• Poligonoen elementu geometrikoak identifikatzea eta adieraztea.
• Pitagoras-en teorema ezagutzea eta aplikatzea inguruko problemak ebaztean.
• Azalerak eta perimetroak kalkulatzeko formulak ezagutzea eta aplikatzea, inguruko problemak ebazteko.

EDUKIAK

5. UNITATEA: PLANOAREN GEOMETRIA ETA POLIGONOAK
KONTZEPTUAK	PROZEDURAK	JARRERAK
Puntua, zuzena eta planoa	Puntuak eta zuzenak zehaztea	Geometriak inguruko hainbat egoera ebazteko duen erabilgarritasuna baloratzea
Zuzenerdia, zuzenkia eta planoerdia	Zuzen paraleloak, perpendikularrak eta zeiharrak trazatzea	Forma geometrikoen ezaugarri estetikoen aurrean sentikor agertzea
Zuzen paraleloak, perpendikularrak eta zeiharrak	Angeluak identifikatzea	Geometriako problemak ebazteko erabilgarriak diren estrategien aurrean interesa agertzea
Angelua: aldeak, erpina eta motak	Marrazketarako tresnak erabiltzea: erregela, konpasa, eskuaira, kartaboia eta angelu-garraiagailua
Marrazketarako tresnak: erregela, konpasa, eskuaira, kartaboia eta angelu-garraiagailua	Segmentu batean erdibitzailea egitea
Erdibitzailea eta erdikaria	Angelu baten erdikaria trazatzea
Triangelua: elementuak eta motak	Angeluen eraikuntza geometrikoa
Laukia: elementuak eta motak	Triangeluak egitea
Poligono erregularrak	Poligono erregularrak eta haien elementuak ezagutzea
Poligono erregular baten simetria-ardatzak	Poligono baten simetria-ardatzak lortzea
Pitagoras-en teorema	Pitagoras-en teorema aplikatzea
Azalera eta perimetroa

Zeharkako arloen tratamendua: Ingurumen-hezkuntza:

• Helburua: ingurumenarekin konpromiso-ohiturak hartzea.
• Metodologia: Desagertzeko zorian dauden animaliei buruzko webquesta, eta ingurune naturalean poligono erregularrak identifikatzeko jolasa.