SARRERA

Unitate honetan, funtzioak sistema kartesiarrean adierazten, funtzio batean puntuak aurkitzen eta taulak eta grafikoak erabiliz datu estatistikoak aztertzen ikasiko du ikasleak.

Aurretiko ezagutzak:

• Problemak ebazten dituzte zenbait aldagai erabiliz.
• Zenbaki osoez eragiketa matematikoAk egiten dituzte.
• Eragiketa matematikoak egiten dituzte zatiki, berreketa eta erroekin.

HELBURUAK

• Plano kartesiarrean puntuak, grafikoak eta funtzioak adierazteko oinarrizko prozedurak erabiltzea.
• Funtzioak adieraztea eta planoan grafikoki adieraztea.
• Adierazitako funtzio bat interpretatzea, taula edo grafiko baten bidez, eta eguneroko bizitzatik hurbil dagoen inguruan erabiltzea.
• Taula estatistikoak adieraztea eta interpretatzea, barra- eta sektore-diagramen bidez.
• Datu-serie estatistiko baten batez besteko aritmetikoa eta moda lortzea.

EDUKIAK

8. UNITATEA: FUNTZIOAK, TAULAK ETA GRAFIKOAK
KONTZEPTUAK	PROZEDURAK	JARRERAK
Erreferentzia-sistema kartesiarra	Plano kartesiarraren puntu bati koordenatuak esleitzea	Hizkuntza grafikoak inguruko egoerak interpretatzeko eta problemak ebazteko duen erabilgarritasuna baloratzea
Puntu baten koordenatuak	Koordenatuez baliatuz puntu bat adieraztea	Hizkuntza grafikoaren erabileraren balorazio kritikoa egitea inguruko informazioetan
Funtzioak	Funtzio baten aldagaiak ezagutzea	Taulak eta grafikoak tratatzeko interesa agertzea
Funtzio baten adierazpen grafikoa	Funtzio errazen adierazpen grafikoa	Informazioaren tratamendu estatistikoaren erabilgarritasuna baloratzea
Funtzio baten gorakortasuna eta beherakortasuna	Funtzio baten gorakortasun eta beherakortasun tarteak aztertzea
Balio maximo eta minimoak	Taula estatistiko bat egitea
Maiztasun absolutua eta erlatiboa	Barra-diagrama bat egitea
Taula estatistikoa	Sektore-diagrama bat egitea
Barra- eta sektore-diagrama	Serie estatistiko baten batez besteko aritmetikoa eta moda lortzea.
Batez besteko aritmetikoa
Moda

Zeharkako arloen tratamendua: Ingurumen-hezkuntza:

• Helburua: ingurumenarekin konpromiso-ohiturak hartzea.
• Metodologia: : Ingurumeneko gaur egungo gaien datu estatistikoen azterketari buruzko webquest.