Egilea Fran Cantó eta Vimartic taldea

Parte-hartzea Talde handia

Non Ikasgela
Ordenagailuen ikasgela (1x1 / 1x2)

Zailtasuna Txikia

Denbora-banaketa Iraupena:

1. saioa: Ikasleek gaiaren inguruan dituzten aurretiko ezagutzak berreskuratuko ditugu ondoren gaia lantzen hasteko: masa eta haren unitateak. Ikasgelan eskura ditugun objektuen masaren inguruko estimazioak egitea. Neurri-unitateen gaineko azalpenak ematea arbel digitaleko aurkezpenaren bidez. Baskula bat erabiltzea gure inguruko objektuen masa neurtzeko. Neurri-unitateetarako taula bat egitea lehen lortutako emaitzekin (1 ordu).
2. saioa: masa-neurketak azoka birtualean. Jarduerak, bihurketak eta problemak ebaztea txostentxo batean (1 ordu).
3. saioa: Ikasleek gaiaren inguruan dituzten aurretiko ezagutzak berreskuratuko ditugu ondoren gaia lantzen hasteko: edukiera eta haren unitateak. Ikasgelan eskura ditugun edo etxetik ekarritako objektuen edukieraren inguruko estimazioak egitea. Neurri-unitateen gaineko azalpenak ematea arbel digitaleko aurkezpenaren bidez. Estimazioak egiaztatzea ontzi graduatuekin (1 ordu).
4. saioa: zuku exotikoak egiteko modu birtuala. Bateratze-lana, eta aurretik lortutako emaitzekin taula bat, egitea. Problemak eta bihurketak egitea txostentxo batean (1 ordu).
5. saioa: hainbat ariketa ebaztea, txostentxoan ezarri eta landutako helburuak egiaztatu eta ebaluatzeko. "Ikasgela bakoitzarentzat askari bat" jarduerarekin konbina daiteke. Ikasle bakoitzak hainbat produktu erostea azoka birtualean (1 ordu).
6. saioa; saio osagarria: euri-neurgailu bat sortzea. Jarduera honek ingurunearen ezagueran sakontzeko garrantzi handiko kontzeptu matematikoak lantzeko balio du.
 

Deskribapena

Edukiera- eta masa-neurriak testuinguru-azalpen baten bidez landuko ditugu eta praktikan jarriko ditugu neurketa batzuen bidez: lehenik, inguruko objektuen eta eskura ditugun likidoen estimazioak ohikoak ez diren objektuekin egingo ditugu (edalontzia, pitxerra) eta ondoren, ohiko objektuak erabiliko ditugu (baskula, ontzi graduatuak). Inguruko objektuekin hasiko gara eta neurtzen zailagoak diren objektuekin amaituko dugu. Erosketak egingo dituzte azoka elkarreragile birtual batean, edo, irakasleak hala nahi badu, erosketa horiek ikasgelako objektuen bidez egin daitezke. Euri-neurgailu bat sortuko dugu bizi garen inguruneko euri-kantitatea neurtzeko, eta ondoren, emaitzak konparatzeko taula bat sortuko dugu. Jarduera hori non egin, ikasgelan edo etxean, irakasleak erabakiko du. Neurrien problemak ebatzi eta bihurketak egingo dituzte (kilogramo, gramo, litro eta zentilitro). Oso komenigarria da ikasleen lana etengabe berrikustea eta azaldutako kontzeptuak bereganatzen ari direla egiaztatzea.

Lehen Hezkuntza
Hirugarren Zikloa
Bosgarrena
Matematika

• Matematika

• Matematikarako gaitasuna
• Informazioa tratatzeko eta teknologia digitala erabiltzeko gaitasuna
• Ikasten ikasteko gaitasuna

• Kopurua
• Problemak planteatzea eta ebaztea
• Teknologiaren eremua
• Bizialdi osoko ikaskuntza

• Zenbakiei buruzko oinarrizko ezagutza erabiltzea
• Zenbaki arruntekin kalkuluak egitea, esanahia eta oinarrizko eragiketak erabiliz
• Neurriari eta horren magnitudeei buruzko ezagutza aplikatzea
• Hainbat problema planteatzea eta ebaztea
• Problema-egoera irekiak, matematika-ikerketak eta lan-proiektu txikiak ebaztea
• IKTak erabiltzea, zenbakizko informazioa prozesatzeko

• Ikasten eta pentsatzen ikastea – Arazo zientifiko eta matematikoak
• Komunikatzen ikastea – Informazioaren teknologiak
• Pertsona-mailan garatzen ikastea - Autoezagutza

• Matematikak eguneroko bizimoduan duen egitekoa aintzakotzat hartzea
• Matematika gure kultura osatzen duten zatietako bat den heinean balioztatzea
• Informazioaren eta komunikazioaren teknologiak era egokian erabiltzea
• Hizkuntza naturalaren eta matematika-hizkuntzaren elementuak erabilita arrazoitzea eta argudioak ematea
• Kalkuluak eta estimazioak segurtasunez eta konfiantzaz egitea
• Ezagutza matematikoa erabiltzea informazioak eta mezuak ulertzeko, balioesteko eta sortzeko
• Eguneroko bizitzatik, gainerako zientzietatik eta matematikatik bertatik ateratako problemak, bakarka zein taldeka, planteatzea eta ebaztea
• Elkarrizketan era egokian aritzea hainbat egoeratan
• Jarrera positiboa eta ikasteko nork bere gaitasunarekiko konfiantzazkoa agertzea, komunikatzeko gaitasuna hobetzeko

• Zenbaki arruntak, osoak, hamartarrak eta frakzionarioak eguneroko bizimoduan
• Zenbakizko testuak interpretatzea
• Zenbaki arruntak eta hamartarrak osatzeko arauak eta posizio-balioa
• Zatiak ehunekoen bidez adieraztea
• Zenbakien ordenamendua
• Kalkulu errazak ulertzeko eta egiteko oinarrizko estrategiak
• Kalkuluak idatziz egiteko estrategiak
• Neurketak zer esan nahi duen eta zertarako balio duen
• Irudiak neurtzeko estrategiak garatzea
• Objektuen eta espazioen luzera, azalera, pisu eta edukieren estimazioa
• Informazio-unitateak
• Eguneroko bizimoduan lau eragiketetako batek edo gehiagok eragina duten problemak identifikatzea
• Zenbait magnitude eta neurri-unitate erabiltzea beharrezko duten eguneroko bizitzako problemak ebaztea
• Eguneroko bizimoduko problemak ebaztea, nork bere estrategiak eta zenbakien arteko erlazioak erabilita
• Matematika-edukiak ulertzen lagungarri izango diren askotariko material didaktikoak erabiltzea
• Kalkulagailua
• Lankidetasun eta errespetuzko jarrera
• Ikasitakoa gordetzeko, memorizatzeko eta berrikusteko zenbait baliabide erabiltzea, gero eta modu autonomoagoan

• Zehatz adierazten ditu luzera-, azalera-, pisu/masa-, edukiera- eta denbora-unitateak, zein moneta-sistemarenak
• Ardura zaio matematika-jarduera
• Ardura zaio matematika-lanak txukun eta ordenatuta aurkeztea
• Bere buruan konfiantza du matematika-jarduerak egiterakoan
• Erakusten du autonomia matematika-edukiak eguneroko bizitzan aplikatzean, eta gai da haien arteko erlazioa ezartzeko
• Laguntza eta argibideak eskatzen ditu
• Balioesten du zer aurrerapen egin duen, eta identifikatzen ditu hobeto ikasten laguntzen dioten baliabide eta estrategia batzuk
• Onartzen du errakuntza ikasteko prozesuaren zatitzat