Zer da zientzia? Zertan bereizten da beste giza jarduera batzuetatik? Gaur egun, Zientzia gure kulturaren parte da, zalantzarik gabe. Natura eta haren fenomenoak interpretatzeko modu bat, arrazoian oinarrituta, eta ikerketa-metodo oso egituratua ere bada.
Ikasturte honetan zientzian murgilduko garenez, komeni da lehendabizi haren izaerari eta metodoari buruzko gogoeta egitea.
Taldeka arituko gara jarraian zehaztutako jarduerak egiteko. Lehendabizi, zientziaren ezaugarriei buruzko bideo bat ikusiko dugu. Komeni da ideia batzuk idazten joatea; izan ere, hurrengo ariketan identifikatu egin beharko ditugu zenbait baieztapen hari dagozkion ala ez. Zientzia zer den eta zer ez den argi dugunean, poster bat egingo dugu guk aukeratutako adibide batekin. Has gaitezen!
Zientziari buruzko hurrengo bideoa ikusiko dugu eta koadernoan idatziko ditugu alderdi nabarmengarrienak: Zer du berezia zientziak? (Egilea: Curiosamente)
Irakasleak zientziari buruzko baieztapenak dituzten txartel batzuk banatuko dizkigu. Txartel horiek, formatu editagarrian deskargatu daitezke, odt eta pdf.
Taldean, haien esanahiari buruz pentsatuko dugu eta txartelen atzealdean idatziko dugu. Gero, bateratu egingo ditugu gure gogoetak gainerako ikasleekin, gure pentsamenduak partekatu eta gure ideiei deia berriak gehitu.
Talde bakoitzak laburpen bat egingo du ekarpenekin eta azalpenekin, eta horretarako Frayer antolatzaile grafikoa erabiliko du. Testuak eta marrazkiak ditu eta formatu editagarrian eskura daiteke, odt eta pdf.
Jarduera amaitutakoan, A3 orri batean erakutsiko dugu lana, Storyboard That-en argitaratutako adibide honetan bezala.
Talde bakoitzak bere grafikoa azalduko die ikaskideei, ahoz eta labur-labur. Aurkezpena amaitu ondoren, gainerako taldeak bildu eta ebaluazioa egingo dute, irakasleak banatutako irizpide batzuk kontuan hartuta. Jarraibide hauek izan ditzakegu kontuan:
Grafikoak ikasgelan, ahoz eta labur-labur azaldu ondoren, ko-ebaluazio bat egingo dugu. Horretarako, gainerako taldeak bildu egingo dira minutu batzuez eta ebaluatu egingo dituzte grafikoak, poster zientifiko bat ebaluatzeko balioespen-eskalako irizpideak kontuan hartuta (deskargatu formatu editagarria, odt eta pdf):
Behin zeregina amaituta, une ona da hausnarketa egiteko gure ikasitakoaren egunerokoan. Hona iradokizun batzuk:
Ondoko lizentziak babestua Creative Commons: aitortu-PartekatuBerdin 4.0 Lizentzia
