Saltatu nabigazioa

Zientzia-gizon eroa

Zientzian aritzen diren pertsonen estereotipoak

Estereotipoa da pertsona edo kolektibo bati buruzko pertzepzio gehiegizkoa eta sinplifikatua. Estereotipoak aurreiritzi sozialetan oinarritzen dira. Norbait modu estereotipatuan irudikatzeak diskriminaziora irits daitekeen aurreiritzi bat adierazten du.

 

Albert Einstein
George Hodan, Public Domain Pictures. Albert Einstein, Cedec (Dominio público)

Eta zientzia ez da libratzen. Nork ez du ikusi munduarekin amaitu nahi duen zientzialari gaizto baten filmaren bat? Nork ez dauka gogoan Einsteinen irudia mihia aterata, itxura narrasarekin? Edota telebistako betaurrekodun zientzialari friki eta arraro xamar horiek?

Eta hori guztia, ”gizon” zientzialariei dagokienez, izan ere, emakumeak ez baitira existitzen zientzian, eta agertzen direnean, beti agertzen dira gorago aipatutako estereotipoekin.

Har dezagun tarte bat horri buruzko gogoeta egiteko.

Zeregina

Denbora
Saio bat
Taldekatzea
Taldean

Jarraian proposatuko ditugun jarduerak zientzian dauden estereotipoei buruzko gogoeta egiteko erabiliko ditugu. Taldeka egingo ditugu, eta aterako ditugun ideia eta arrazoibideekin eztabaida egingo dugu ikasgelan.

Hasteko, “Nebesu” youtuberraren “Sábados culturales”: Estereotipos científicos en el cine kanaleko bideo bat ikusiko dugu.

Nebesu en "Sábados culturetas". Estereotipos científicos en el cine (CC BY)

1

Taldean, fikzioan (filmetan, telebistako serietan, liburuetan, komikietan) ikusi ditugun zientzialariak gogoratuko ditugu eta haien ezaugarri estereotipatuak aztertuko ditugu. Hona hemen haietako batzuren zerrenda. Egoki iritzitako beste batzuk ere idatziko ditugu.

  • Genero maskulinoa
  • Emakumea bada, ezaugarri maskulinoak
  • Arraza zurikoa
  • Betaurrekoak
  • Mantal zuria
  • Despistatu itxura, on-hutsa
  • Gaiztoa, harroputza
  • Maniakoa, eroa
  • Barnerakoia, bakartia
  • Azkar ustekoa, “dena dakiena”
  • ...

2

Ziur ezagutzen dugula telebistako serie hau: “The Big Bang Theory”. Ikusgai egon da 12 denboralditan eta oso dibertigarria da, baina gizon eta emakumeen estereotipoetatik ez da libratzen. Ikusiko ditugu?. Taldean eta protagonisten argazkiak aurrean ditugula, estereotipoak aztertuko ditugu eta gure koadernoan idatziko ditugu taula batean.

Irudi asko ditugu   The Big Bang Theory orri ofizialean edota esteka honetan: Wikipedia.

Nor ez da zientziara dedikatzen? Idatzi ezaugarri batzuk

Nor aritzen da zientzian? Idatzi ezaugarri batzuk

3

Landutakoa kontuan hartuta, ondorioak aterako ditugu eztabaida bat egiteko ikasgelan. Eztabaidarako gomendio batzuk:

  • Argumentuak modu logikoan antolatuko dira ideia nagusiaren inguruan.
  • Kontra-argumentuak garrantzitsuak eta zehatzak behar dute, eta argi eta garbi adierazi behar dute zer ideiaren aurka dauden.
  • Argumentuak eta kontra-argumentuak egitateetan oinarritzen dira.
  • Informazio argia eta zehatza eman behar da.
  • Partehartzeak ordenatuak izango dira, hitz egiteko txandak errespetatuta.
  • Keinuak, ahots tonua eta kontaktu bisuala egokiak izan behar dute.
  • Bestearen argumentuak modu aktiboan entzun eta horren arabera erantzun behar da.

Ebaluazioa eta hausnarketa

Behin zeregina amaituta, une ona da hausnarketa egiteko gure ikasitakoaren egunerokoan. Hona iradokizun batzuk:

  • Zer ikasi dut?
  • Prozesuan zehar zerk harritu nau gehien? Zergatik?
  • Aurretik neukan iritziren bat aldatu dut? Zein?
  • Zer izan da zailena? Zergatik?

Zereginaren ebaluazioa

Zeregina zientziei buruzko eztabaiden balioespen-eskala generiko honekin ebaluatuko da (deskargatu formatu editagarria, odt, eta pdf)