Berreketa kontzeptuaren azalpena eta horren adierazpidea talde handian egitea proposatzen dizugu (30 min. inguru).
Ariketak ebazteko, egokia da ikasleak binaka edo banaka jartzea, dauden ordenagailuen arabera (30 min.).
Berreketa bat zer den badakiten galdetuz has zaitezke (karratura eta kubora jasotzen ausartuko gara), eta berrekizuna 5 eta berretzailea 2, eta berrekizuna 5 eta berretzailea 3 dituen adierazpide bat nola irakurtzen den. Egin dezatela gogoeta: Zergatik du “karratu” izena? Zergatik du “kubo” izena?
Diapositiba-aurkezpenaren bidez, berreketa bat irudi bidez nola adierazten den erakuts dezakezu, eta zenbait zenbaki karratura eta kubora jasota adierazita ariketa batzuk egiteko eska diezaiekezu.
Adierazpidea ulertu ondoren, komenigarria da berreketen kalkulu-ariketa batzuk adierazpide zehatzik gabe egitea.
Ikasleek badute ariketa sorta, eta etxean alderdi zailenak indartu ditzakete horrekin.
Ikasleek modu zehatzean landuko dituzte lehenik berreketak, adierazpidearen bidez; eta gero, abstrakzio-maila handituta.