WEBQUEST
SARRERA
Dibisa-aldaketak herrialde bateko moneta-unitate baten balio-aldaketari erreferentzia egiten dio. Horrela, beste moneta-unitate bat bihurtu da. Esaterako, Estatu Batuetara egingo badugu bidaia Bankura joan beharko dugu gure aurrezkiekin eta euroak dolar amerikarretan aldatzea eskatu. Gerta daiteke 150 €-kin joatea eta 135 $-ekin itzultzea. Une horretan euroaren balioa 0,90 dolarretan egongo litzateke.
Herrialdeen arteko dibisa-aldaketa ez da konstantea; denboran zehar, zenbait faktore ekonomiko direla medio, aldatuz joaten da. Horren eraginez, herrialde bateko moneta-unitateak gora edo behera egiten du beste herrialde bateko moneta-unitatearen aldean. Hau da, dibisek nazioarteko merkatuan duten balioa aldakorra da.
ARIKETAK
Banatu 4 ikasleko taldetan eta erantzun galdera hauei:
- Gauza bera al da dibisei eta monetari buruz hitz egitea?
- Zer da inflazioa? Zein dira horren arrazoi nagusiak?
- Zein dira dibisa-aldaketan eragina duten faktoreak?
- Ikertu nazioarteko 6 moneta-unitate (euroa ez direnak) eta bete taula hau:
Lehen adibide bat emango dizugu: Espainia eta euroa. - Bilatu Interneten nazioarteko mapa geografiko bat eta adierazi nongoak diren aztertu dituzuen 6 monetak. Horretarako, kopiatu moneta bakoitzaren irudia dagokion kokapen geografikoan.
- Ebatzi dibisa-aldaketari buruzko problema hau:
Carlos Japoniara joan da 800 €-ko aurrezkiekin. Egin zuen lehendabiziko gauza Bankura joatea izan zen, dirua yenetan izateko (Japoniako moneta-unitatea) Une horretan 1 € 104,86 yenetan zegoen. Japonian 200 € gastatu ditu garraioan eta elikagaietan, 300 € oparitan eta 120 € museo eta eraikin interesgarrien sarreretan.
- Zenbat yenekin joan zen Carlos Japoniara?
- Zenbat euro gastatu zituen garraioan eta elikagaietan?
- Zenbat euro gastatu zituen oparitan?
- Zenbat euro gastatu zituen museo eta eraikin interesgarrien sarreretan?
- Zenbat yen geratu zaizkio?
- Espainian Bankura joan eta dirua berriz aldatzen duenean, zenbat euro geratuko zaizkio?
PROZESUA:
Zuen ikerketa egiteko sartu jarraian agertzen den “baliabideak” ataleko helbideetara.
Komeni da taldeko 4 kideen artean banatzea ikerketa-lanak.
“ARIKETA” atalean egindako galdera bakoitzari erantzuteko, komeni da zehatza izatea eta gehiegi ez luzatzea. Kontzeptu bakoitzeko, gehienez, 10 lerro idaztea komeni da.
* Lan zabalagoa egin nahi baduzue, power point erabiliz aurkezpen bat egitea proposatzen dizuegu. Horrela, diapositiba bakoitzean 4. eta 5. itemetan ikertutako moneta-unitatearen datuak jarriko dituzue:
- Herrialdearen izena
- Bandera
- Monetaren izena
- Banderaren marrazkia
- Balioa eurotan
- Kokapen geografikoa
BALIABIDEAK
Kontzeptuen definizioa:
http://www.gestiopolis.com/canales/economia/articulos/70/tipcammor.htm
http://www.eumed.net/cursecon/dic/jph/U.htm
http://es.wikipedia.org/wiki/Divisa
http://www.econlink.com.ar/definicion/inflacion.shtml
http://www.elpais.com/.../20080427elpneglse_5/Tes
Dibisa-aldaketa:
http://es.wikipedia.org/wiki/Unidad_monetaria_de_valor_m%C3%A1s_alto
http://go.hrw.com/atlas/span_htm/world.htm
http://www.mapasybanderas.com.ar/
GAITASUNEN ARABERAKO EBALUAZIOA:
- Ebaluazio-irizpideak:
1. Informazioa bilatzea eta aukeratzea.
2. Laburtzeko gaitasuna.
3. Informazioaren tratamendu koherentea eta diziplinartekoa.
4. Problemak ebaztean matematika aplikatzea.
5. Elkarlana.
WEBLOGA
- Hirugarren ekarpena egingo dugu Weblogera. Talde bakoitzak diru-unitateei buruzko informazioa jarriko du, datu hauekin: herrialdea, bandera, izena, irudia eta baliokidetasuna eurotan.
- Ikasle bakoitzak iruzkin bat egin beharko du beste taldeek sortutako edozein weblogetan, kontsumo-sozietateari eta kontrolik gabeko erosketei buruz.
BALIABIDEAK
Blog bat nola erabili behar den jakiteko, jarraibide zehatzak dituzu ondorengo web orrian.
