Bideoa lagungarria izango da ozeano-uren ezaugarri nagusietako batzuk ezagutzeko.

“Itsaslasterrak" izeneko baliabidearen eta proposatutako jardueren bidez, uraren propietateak ezagutuko ditugu, baita ozeanoko uren dinamika ere.

• Ozeanoetako urak etengabe mugitzen ari direla eta mugimendu horiek hainbat arrazoirengatik gertatzen direla argitzea (haizea, ur-masen dentsitate-diferentzia, lurraren biraketa eta eguzkiaren eta ilargiaren arteko grabitazio-erakarpena) (00:37 min).
• Ozeanoetako ur-dentsitatea tenperaturaren eta gatz-edukiaren arabera aldatzen dela azaltzea (00:37 min).
• Itsaslaster bero eta hotz nagusiak mapan ikustea (01:10 min).
• Itsaslasterren joan-etorriek zenbait eskualdetako klima leuntzen dutela ikustea. Zenbait adibide jartzea; esaterako, Kaliforniako eta Kanarietako itsaslasterren desbideratzea Hegoalderantz. Itsaslaster horiek ur hotzak dira, eta leundu egiten dituzte kostalde horietako tenperatura beroak (01:10 min).
• Uraren mugimendu bertikala azaleko geruzan hasten dela eta, beherantz egiteko joera duenez, ur sakonena azaleratzen duela azaltzea (01:28 min).
• Itsasoak eta ozeanoak gaziak zergatik diren azaltzea (01:46 min).
• Uraren ezaugarri termikoa azaltzea. Komenigarria da kontzeptua argitzea, zenbait adibide praktikoren bidez; esaterako, kostaldeko erregulazio klimatikoa itsasoak egunean zehar hartzen duen energia gauean zehar askatzen duelako gertatzen dela azal daiteke. Horren ondorioz, tenperaturak ez dira bat-batean jaisten (02:31 min).

• Munduko mapa mutu batean, adierazi non dauden itsaslaster bero eta hotz nagusiak. Horretarako, ikasleek orrialde hauetan begira dezakete:

• http://www.kokone.com.mx/tareas/mapas/mundo/5.html
  
• http://www.escolar.com/avanzado/geografia019.htm
  
• http://www.puc.cl/sw_educ/geo_mar/html/6e01.html
  

• Mapa egin ondoren, hitz egin itsaslaster horiek zenbait eskualdetako kliman duten eraginari buruz.
• Azaldu, ahal bada zenbait argazkiren bidez, zer-nolako itxura duten arrainen eta uretako ugaztunen gorputzek eta gorputz atalek. Azaldu itxura hori dela egokiena uretan mugitzeko eta uraren erresistentziari aurre egiteko.

• 1. eta 2. jardueren bidez (“Itsasoko ura” eta “Itsasoko mugimenduak”), ikasleek ozeanoetako uren ezaugarriei buruz dituzten ezaguerak sendotuko dituzte, baita itsasoko uren mugimenduari buruzko ezaguerak ere.
• 3. jardueraren bidez (“Itsasoko erliebea”), ikasleek ozeanoetako hondoen morfologiari buruzko ezaguerak zabalduko dituzte.
• 4. jardueraren bidez, (“Itsasertzeko erliebea”), ikasleek unitate honetako kontzeptu orokorrak berrikusteko aukera izango dute. Jarduera honetan, kostaldeko metaketa mota desberdinak ezagutuko dituzte, eskema baten bidez.