Flash animazio honen bitartez, materiaren propietate nagusiak ezagutuko ditugu: dimentsioak, masa eta dentsitatea.

“Materia” izeneko animazioari eta ikasgai-planeko jarduerei esker, materiaren propietateei eta horien magnitudeei eta unitateei buruzko ezagutzak finkatuko dituzte ikasleek.

• Azalera eta bolumena luzeran oinarritzen diren magnitudeak direla adieraztea (1. pantaila).
• Ikasleei gogoraraztea nola kalkulatzen diren oktaedroen bolumenak, eta batzuk kalkulatzea; esaterako, ikasgela (1. pantaila).
• Ikasleei adieraztea edukiera-unitateek duten garrantzia, bai eguneroko bizitzan bai industrian (1. pantaila).
• Masa eta pisua desberdintzea, sarritan nahasi egiten baitugu (2. pantaila).
• Ikasleek ideia hau alde batera uztea: masa ez dela gorputz batek duen materia kantitatearen neurri bat (2. pantaila).
• Dentsitate kontzeptua ikustean, burutik kentzea handia den guztia astuna dela eta txikia dena arina dela (3. pantaila).
• Azpimarratzea, adibideez baliatuta, dentsitate desberdineko bi objektuk pisu desberdina izan dezaketela, tamaina berekoak izan arren (3. pantaila).

• Ahalik esperimentu gehienak egitea, hainbat gorputzen masak, bolumenak eta dentsitateak neurtzeko.

• Egokia litzateke ikasleek metroa, erregela, eta abar erabiltzea eta inguruko gauzen azalera neutzea; esaterako, ikasgelarena, ordenagailuarena, ikasmahaiarena edo arbelarena.
• Eginarazi ikasleei unitate-aldaketen jarduerak, aurretiko ezagutzak gogora ekartzeko. Horretarako, web orri hau erabil dezakete: http://es.wikipedia.org/wiki/Sistema_Internacional_de_Unidades
• Ikasitakoa praktikan jartzeko, azal dezatela ikasleek nola neurtuko lituzketen zenbait magnitude fisiko; esaterako, igerileku batean sartzen den ura, ikasgelan dagoen airea, irla baten azalera, etab.

• 1., 2. eta 3. jardueren bidez (“Zer unitate erabiliko dugu?”, “Zein da kantitate handiena?” eta “Unitateen Nazioarteko Sistema”), ikasleek sistema metriko hamartarra berrikusiko dute; horretarako, unitate-aldaketak egingo dituzte: luzerarena, azalerarena, masarena, bolumenarena eta abarrena.
• 4. jardueraren bidez (“Masa eta bolumena”), ikasleek masa eta bolumen kontzeptuak indartuko dituzte, ariketa praktiko batean oinarrituta.