Flash animazioa, Eguzki Sistemaren osagaiak identifikatzeko.

“Eguzki Sistema" baliabideari eta ikasgai-planaren jarduerei esker, Eguzki Sistema osatzen duten planetak identifikatzeko, horien ezaugarri garrantzitsuenak ikasteko, eta planetak nola sailkatzen diren jakiteko aukera izango dute ikasleek.

• Ikasleei azaltzea Eguzki Sistemako irudikapen grafikoan errealitatea deformatuta agertzen dela, bai eta hori helburu didaktikoak betetzeko egiten dela ere; adibidez, planeten arteko tamaina-aldeak oso handiak direlako, eta ezinezkoa delako alde horiek irudikatzea.
• Planeta guztien orbitak eliptikoak direla ohartzea. Urrunen dauden planetak abiadura txikiagoan biratzen dira eta denbora gehiago behar dute itzuli bat osatzeko.
• Asteroide-eraztunaren posizioari erreparatzea.

• Planeta harritsuen (gainazal solidokoak) eta planeta gaseosoen (gainazal solido gabeak) arteko desberdintasuna azaltzea.
• Zenbait planetaren ezaugarriak direla-eta, ezinezkoa da horietan bizia egotea. Ezaugarri horiei erreparatzea.
• Planeta bat erraz ezagutzeko aukera ematen duten ezaugarriak adieraztea (esaterako, Saturnoren eraztunak).

• Eguzkian erregistratzen diren tenperatura altuak Eguzkiaren barnean gertaturiko erreakzio nuklearrek eragiten dituztela adieraztea, bai eta erreakzio horiek energia izugarria askatzen dutela ere.
• Eguzkiaren gainazalean gas-zorrotadak (distirak deituak) daudela eta horiek milaka kilometroko altuera hartzen dutela ohartzea.
• Ikaslearen hiztegia zabaltzea, honako termino hauekin: fusio nuklearra, fakulak, bero-energia eta abar.

• Osatu planeten ezaugarrien ikerketa. Horretarako, erreparatu planeten argazkiei, honako web orri hauetan:
  1. http://www.astrored.net/nueveplanetas/
  2. http://www.solarviews.com/span/homepage.htm
  3. http://www.xtec.es/~rmolins1/
• Eguzki Sistemako planeta guztiek Erromako jainkoren baten izena dute, eta horrek planetaren ezaugarriren batekin du lotura. Eskatu ikasleei ezaugarri hori zein den ikertzeko, http://www.astrored.net/nueveplanetas/ web orrian. Azkenik, ondorioak azaldu beste ikaskideei.
• Baliabidea ikusi eta jarduerak egin ondoren, proposatu ikasleei zeruko gorputz batzuk identifikatzeko, teleskopioaren laguntzaz.
  

• 1. eta 4. jardueraren bidez (“Kanpo-planetak” eta “Barne-planetak"), Eguzki Sistemako planeten ezaugarriei buruzko ezagutzak finkatuko ditu ikasleak. Ikusizko alderdiak (hau da, planetak argazkien bidez ezagutzea) gehiago landu nahi izanez gero, egin 1. jarduera.
• 2. jardueraren bidez (“Planeten ezaugarriak”), Eguzki Sistemako planeta batzuen zenbait ezaugarriri buruzko informazioa zabaltzeko aukera izango du ikasleak.
• 3. jardueraren bidez (“Gorputz planetarioak”), Eguzki Sistemako osagaiak identifikatzeko edukiak finkatu ahal izango ditu.