Proposamena: Edukiera- eta masa-neurriak

Ikasleek, objektuen bidez, edukiera eta masa neurtzeko unitateak ezagutuko dituzte.
Eguneroko objektuen inguruko estimazioak eta neurketak egingo dituzte.
Emaitzak jasotzeko taula bat sortuko dute eta jarduera elkarreragileak egingo dituzte.
Gaiaren testuingurua ikaslearen inguruan dauden objektu neurgarri solidoak zein likidoak ikusiz aurkeztuko dugu.
  

Ikaslearen sarreratxoa

Oraingoan, edukiera-neurriak (litroa eta zentilitroa) eta masa-neurriak (kilogramoa eta gramoa) zein diren ikasiko dugu.
Haiek ikasi eta lantzeaz gain, identifikatu eta ohiko objektuetan aplikatzera jolastuko gara. Estimazioak eta neurketak egingo ditugu materialak zein birtualak diren hainbat objekturekin.
Proposamen dibertigarriak ere izango ditugu...

Saioak:

1. Masa-unitateak
2. Azoka birtuala
3. Edukiera-unitateak
4. Zuku exotikoak
5. Egiazta dezagun ikasitakoa
6. Saio osagarria: Euri-neurgailua

Informazio orokorra

Fran Cantó eta Vimartic taldea

Talde handia

Ikasgela
Ordenagailuen ikasgela (1x1 / 1x2)

Txikia

Iraupena:

1. saioa: Ikasleek gaiaren inguruan dituzten aurretiko ezagutzak berreskuratuko ditugu ondoren gaia lantzen hasteko: masa eta haren unitateak. Ikasgelan eskura ditugun objektuen masaren inguruko estimazioak egitea. Neurri-unitateen gaineko azalpenak ematea arbel digitaleko aurkezpenaren bidez. Baskula bat erabiltzea gure inguruko objektuen masa neurtzeko. Neurri-unitateetarako taula bat egitea lehen lortutako emaitzekin (1 ordu).
2. saioa: masa-neurketak azoka birtualean. Jarduerak, bihurketak eta problemak ebaztea txostentxo batean (1 ordu).
3. saioa: Ikasleek gaiaren inguruan dituzten aurretiko ezagutzak berreskuratuko ditugu ondoren gaia lantzen hasteko: edukiera eta haren unitateak. Ikasgelan eskura ditugun edo etxetik ekarritako objektuen edukieraren inguruko estimazioak egitea. Neurri-unitateen gaineko azalpenak ematea arbel digitaleko aurkezpenaren bidez. Estimazioak egiaztatzea ontzi graduatuekin (1 ordu).
4. saioa: zuku exotikoak egiteko modu birtuala. Bateratze-lana eta aurretik lortutako emaitzekin taula bat egitea. Problemak eta bihurketak egitea txostentxo batean (1 ordu).
5. saioa: hainbat ariketa ebaztea, txostentxoan ezarri eta landutako helburuak egiaztatu eta ebaluatzeko. "Ikasgela bakoitzarentzat askari bat" jarduerarekin konbina daiteke. Ikasle bakoitzak hainbat produktu erostea azoka birtualean (1 ordu).
6. saioa; saio osagarria: euri-neurgailu bat sortzea. Jarduera honek ingurunearen ezagueran sakontzeko garrantzi handiko kontzeptu matematikoak lantzeko balio du.
 

Edukiera- eta masa-neurriak testuinguru-azalpen baten bidez landuko ditugu eta praktikan jarriko ditugu neurketa batzuen bidez: lehenik, inguruko objektuen eta eskura ditugun likidoen estimazioak ohikoak ez diren objektuekin egingo ditugu (edalontzia, pitxerra) eta ondoren, ohiko objektuak erabiliko ditugu (baskula, ontzi graduatuak). Inguruko objektuekin hasiko gara eta neurtzen zailagoak diren objektuekin amaituko dugu. Erosketak egingo dituzte azoka elkarreragile birtual batean, edo, irakasleak hala nahi badu, erosketa horiek ikasgelako objektuen bidez egin daitezke. Euri-neurgailu bat sortuko dugu bizi garen inguruneko euri-kantitatea neurtzeko, eta ondoren, emaitzak konparatzeko taula bat sortuko dugu. Jarduera hori non egin, ikasgelan edo etxean, irakasleak erabakiko du. Neurrien problemak ebatzi eta bihurketak egingo dituzte (kilogramo, gramo, litro eta zentilitro). Oso komenigarria da ikasleen lana etengabe berrikustea eta azaldutako kontzeptuak bereganatzen ari direla egiaztatzea.

Curriculum-esparrua

Lehen Hezkuntza
Hirugarren Zikloa
Bosgarrena
Matematika

Ikasleentzako materiala

Gure inguruan ditugun objektuak eta likidoak neur ditzakegula ikusiko dugu. Erabiltzen diren neurketa-unitateak zein diren ikasiko dugu. Hainbat objektu eta likidoren estimazioak eta neurketak ikertu eta egingo ditugu. Halaber, azoka birtual batean erosketak egingo ditugu eta zuku exotiko erakargarriak sortuko ditugu. 
  


- Inguruko hainbat objektu neurgarri aukeratzen hastea.
- Edukiera eta masa: unitateen sailkapena eta taula.
- Azoka birtual batean parte hartzea.
- Zuku exotikoak egitea ingurune birtual batean.
- Euri-neurgailu bat sortzea.
- Sintesi-jarduerak.

Ebaluaziorako orientabideak (Edukiera eta masa)

- Ordenagailua
- Arbel digitala

Irakasleentzako materiala

Gaia talde handian aurkeztea. Gaia talde txikitan edo bikoteka lantzea. Sintesia banakako jarduera elkarreragileekin.
 

       
  • Ingurunea gehiago ezagutuko dugu eta jada badakitena gogorarazi eta berrikusiko dugu azalpen gidatua eginez.
  • Hori egin ostean, gaiaren kontzeptu eta elementuetan sakonduko dugu gorputz solido zein likidoen neurketa eginez.
  • Amaitzeko, jarduera elkarreragileak dituzten sintesi-jarduera batzuekin amaitzea proposatzen dizugu.

 

Gaia lantzen hasteko, ikasleek behaketa eta aurkikuntza landuko dute irakasleak gidatuta. Unitatearen oinarrizko kontzeptuak azalduko dira.
Ondoren, objektuak hartuko dira jardueran aurrera egin ahala haien edukiera eta masa neurtzeko. Halaber, ezagutza horiek eguneroko bizitzan aplikatzeak duen garrantzia azpimarratuko da azoka birtualean erosketa batzuk eginez.
Azkenik, azken sintesi-saioa eta banakako jolasa egingo dira jarduera elkarreragileekin, ikaskuntza indartzeko oso baliagarriak baitira. 
 

Jarduera elkarreragileak problema modura eta haiek paperean biltzen dituen formularioa.
 

Proposamena kualitatiboki ebaluatzeko orientabideak. (Edukiera eta masa)
Proposamena kuantitatiboki ebaluatzeko orientabideak. (Edukiera eta masa)
Aurkezpena masa
Aurkezpena edukiera

 Baliabide orokorrak

  • Landu behar diren kontzeptuen aurkezpena.
  • Ebaluazio kualitatibo eta kuantitatiborako orientabideak.

Saioa: 1. Masa-unitateak

Informazio orokorra

Talde handia

Arbel digitaldun ikasgela

Iraupena:

1 ordu

Ikasleentzako materiala

Maiz erabiltzen diren masa-unitateak zein diren ikusi eta objektu eta proportzioen araberako erabileraren inguruko hausnarketa egingo dugu.
Hainbat baskula mota ezagutu eta nola erabiltzen diren ere ikasiko dugu.
Lehenik, irudien estimazioak egitera jolastuko gara eta ondoren, ikasgelan ditugun objektuen estimazioak egingo ditugu. Objektu horien masa neurtzeko baskula erabiliko dugu eta, hala, gure kalkuluak zuzenak izan diren egiaztatuko dugu.
Azkenik, baskulan erregistratutako datu guztiak jasoko ditugu emaitzak konparatzeko.
  

       
  • Masa-unitatea (gramoa) eta haren multiploak eta azpimultiploak ezagutzea:
    • Gramoa (g)
    • Kilogramoa (kg)
    • Hektogramoa (hg)
    • Dekagramoa (dag)
    • Tona (t)
    • Dezigramoa (dg)
    • Zentigramoa (cg)
    • Miligramoa (mg)
  • Estimazioak egitea hainbat objekturen irudiekin.
  • Estimazioak egitea inguruko hainbat objektu errealekin.
  • Lehen erabilitako elementuak baskula baten bidez neurtzea eta datuak jasotzeko taula sortzea.

 

Datu-fitxa
Irudiak masekin
Masa-unitateen laburdura
Ordenatu masa-unitateak
Masa neurtuko dugu

Arbel digitala

Baskula digitala

Baliabide orokorrak

  • Inguruko objektu errealen zerrenda.
  • Datu-fitxa.
  • Jarduera elkarreragilea: masa-unitateen laburdura.
  • Jarduera elkarreragilea: Ordenatu masa-unitateak.
  • Jarduera elkarreragilea: Masa neurtuko dugu.

 

Problema sorta. Masa

Material osagarria

  • Problema sorta.

Irakasleentzako materiala

Gaia lantzen hasiko gara irudi sorta bat erakusten duen aurkezpen batekin. Ikasleek objektu bakoitzarentzat zein baskula mota erabili behar den erabakiko dute (10 minutu inguru).

Masa-unitateak talde handian aurkeztuko dira (20 minutu inguru).

Neurketa-jarduerak talde txikietan. 
 

Gaiari ekingo diogu hainbat objekturen irudiak erakutsiz. Animatu zure ikasleak zer objektu diren identifikatu eta ezagunak zaizkienak izendatzera. Ondoren, objektuen masaren inguruko estimazioak egitera animatu eta galdetu masa jakiteko zein baskula erabiliko luketen. Helburua aurretiko ideiak aktibatzea da, jarraian azalduko diren edukien inguruko galderak sorraraziz.

Ondoren, diapositiba-aurkezpen bat eta arbel digitala erabiliz, hitz egin masa-unitateaz, multiploez eta azpimultiploez.

Erakutsi hainbat baskula eta azaldu nola erabiltzen diren.
Jarraitu inguruko hainbat objekturen estimazioak egiten.
Arbelaren laguntzaz, ikasleen ekarpenak idatzi eta lehen sailkapen bat egiteko aukera duzu.
Amaitzeko, ikasleei adierazi datu guztiak neurketak jasotzeko taula batean biltzeko, hala, gramoaren multiploak eta azpimultiploak bereganatuko baitituzte.
Gramoari eta kilogramoari arreta berezia eskainiko zaie.
 

Gaia lantzen hasteko, ikasleek behaketa eta aurkikuntza landuko dute irakasleak gidatuta. Gramoaren multiplo eta azpimultiploen kontzeptuak azalduko zaizkie ikasleei.
Ondoren, objektuak hartuko dira jardueran aurrera egin ahala haien masa neurtzeko. 
 

Problema sorta

Multiplo eta azpimultiplo guztiak identifikatu dituztela egiaztatzeko, arbelaren laguntzarekin, unitate-bihurketaren bat proposatu edo txosteneko problemak erabili.
Ikasleen erantzunak jasotzen badituzu, haiek berrikusi eta zailenak zaizkien aldeak indar ditzakezu.
 

Baliabide orokorrak

  • Gramoaren definizioa eta multiploak eta azpimultiploak dituen diapositiba-aurkezpena. Baskula eta haren erabilera. Unitateak bihurtzeko taula.
  • Hainbat masaren marrazki eta irudiak dituen diapositiba-aurkezpena.
  • Ebaluazio kualitatibo eta kuantitatiborako orientabideak.
  • Terminoen glosarioa.
  • Jarduera elkarreragilea: Masa neurtuko dugu.

 

Material osagarria

  • Problema sorta eta soluzio-orria.
  • Impress diapositiba-aurkezpenaren tutorialak:
    • Aurkezpen bat sortzea.
    • Lerroak, irudiak eta marrazkiak txertatzea.
    • Irudiak eta trantsizioak.
    • Aurkezpen bat bistaratzea (automatikoa, eskuzkoa).

Saioa: 2. Azoka birtuala

Informazio orokorra

Pertsona 1-2

Ordenagailuen ikasgela (1x1 / 1x2)

Iraupena:

1 ordu

Ikasleentzako materiala

Orain, masa-unitatearekin eta haren multiplo eta azpimultiploekin praktikatuko dugu. Azoka birtual batean murgilduko gara jatetxe bateko sukaldari gisa, eta hainbat produktu erosiko ditugu gustukoen dugun platera prestatzeko.
Azokan aurki ditzakegun produktuen masak egiaztatuko ditugu.
Unitate-bihurketekin ere jolastuko gara.
 

- Hainbat objekturen masa neurtzea.
- Gure inguruan ohikoenak diren neurri-unitateen errepasoa.
- Masa-unitateen bihurketak.

Lana irakasleak adierazi bezala gordeko dugu.

Problema sorta. Masa
Azoka
Sukaldariak gara (Azoka II)

- Ordenagailua
- Testu-prozesadorea

Problemen eta bihurketen txostena

Irakasleentzako materiala

Azoka birtualaren jarduera egiteko ikasleak bikoteka banatzea gomendatzen dizugu (edo banaka, eskura duzuen ordenagailu-kopuruaren arabera). Jardueraren iraupena, gutxi gorabehera, 30 minutukoa izango da.
Soberan egon litezkeen minutuak, masa-unitateen eta bihurketen problemak ebazteko erabil daitezke (30 minutu).
 

Aurreko saioko alde garrantzitsuenak berrikustea gomendatzen dizugu, gramoaren eta haren multiplo eta azpimultiploen sailkapena eta azalpena emanez. Aurreko saioko aurkezpenak erabil ditzakezu.
Jarraian, aurkeztu errezeta bat prestatzeko aukera emango digun Sukaldariak gara jarduera.
Horretarako, elikagaiak behar ditugunez, azoka birtualera joango gara erostera. Han, erosketa-zerrendan jasotako produktu guztiak aurkituko dituzu.
Jarduerari amaiera emateko, unitate erabilienei eta erosketan gastatutako diruari buruzko bateratze-lana egin dezakezu, bai eta eginiko lanaren inguruan hausnartuz sor daitezkeen beste elementu batzuei buruz ere.
Amaitzeko, txosteneko hainbat ariketa eta problema egin ditzakezue, modu elkarreragilean edo inprimatutako txostenean.
 

Azoka birtualean erosketa batzuk eginez landuko dugu gaia. Elikagai batzuk erosiko ditugu sukaldaritza-errezeta bat egiteko. Hala, hainbat masa eta kopuru landuko ditugu.
 

Txostena problemen eta bihurketen emaitzekin.
 

Problemak eta bihurketak arbel digitalaren laguntzaz ebaztea edo banakako berrikuspena txosteneko zuzenketa eta jarraipenarekin.
 

Baliabide orokorrak

 

  • Ebaluazio kualitatibo eta kuantitatiborako orientabideak.
  • Problema sorta eta soluzio-orria.
  • Masari eta edukierari buruzko Jclic jarduera-paketea.


Oharrak: hala baderitzozu, gaia indartzeko Jclic jarduera-paketea erabil dezakezu. Gaia etxean errepasatzeko modu egokia da.
 

Saioa: 3. Edukiera-unitateak

Informazio orokorra

Talde handia

Arbel digitaldun ikasgela

Iraupena:

Laborategia

1 ordu

Ikasleentzako materiala

Gure inguruan aurki ditzakegun edukiera-unitateak gogoratu eta berriak ezagutuko ditugu. Unitate horiek hartutako objektuen arabera ere bereiziko ditugu.
Estimazioekin jolas egingo dugu, lehenik, irudien bidez eta, ondoren, laborategiko likidoekin.
Zientzialari gisa jardungo dugu eta likido horiek ontzi graduatuetan neurtuko ditugu haien bolumena zein den eta gure kalkuluak zuzenak izan diren jakiteko.
Datu guztiak jasoko ditugu emaitzak konparatzeko. 
 

       
  • Edukiera-unitatea (litroarekin) eta haren multiplo eta azpimultiploak ezagutuko ditugu.
    • Litroa (l)
    • Dekalitroa (dal)
    • Hektolitroa (hl)
    • Kilolitroa (kl)
    • Dezilitroa (dl)
    • Zentilitroa (cl)
    • Mililitroa (ml)
  • Hainbat estimazio egitea, neurtu nahi den likidoaren arabera ontzi desberdinak erabiliz.
  • Neurtzeko erabili ohi ez diren gure inguruko hainbat ontzirekin (edalontzi, pitxer, poto...) estimazioak egitea.
  • Likidoak ontzi graduatuen bidez neurtzea eta datuak jasotzeko taula sortzea.

 

Irudiak edukierak
Talde-fitxa
Edukiera jasotzeko taula
Edukiera-unitateen laburdura
Ordenatu edukiera-unitateak
Bolumena ala edukiera?
Ontziak

- Arbel digitala

- Ontzi ez graduatuak (edalontziak, pitxerrak, potoak...).
- Ontzi graduatuak.

Irakasleentzako materiala

Edukiera-unitatea (litroa) talde handian aurkeztuko da (20 minutu inguru).
Ondoren, estimazioak talde txikian egingo dira (40 minutu inguru).
 

Gaiari ekitea proposatzen dizugu irudi batzuk dituen aurkezpenaren bidez. Ikasleek ezagutzen dituzten neurketa-unitateen inguruan hitz egingo dute aurretiko ideiak azalaraziz.

Jarraian, erakutsi edukiera-unitateari eta haren multiplo eta azpimultiploei buruzko diapositibak.

Azaldu zein diren ontzi mota desberdinak (graduatuak zein ez graduatuak) eta haien erabilera. Egin edukiera- eta bolumen-neurrien arteko desberdintasunari buruzko hausnarketa Bolumena edo edukiera?

Erabili Ontziak jarduera elkarreragilea, ondoren, ikasgelan edo laborategian, inguruko likido errealen estimazioekin lanketa egiteko. Lehenik, graduatu gabeko ontziak erabiliko ditugu eta, ondoren, bolumena zehazten lagunduko diguten ontzi graduatuak.
Arbelaren laguntzaz, ikasleen ekarpenak idatzi eta lehen sailkapen bat egiteko aukera duzu.
Amaitzeko, ikasleek arbelean idatzitako datu guztiak taula batera pasatzea gomendatzen dizugu, hala, litroaren multiploak eta azpimultiploak lantzen has baitaitezke.

 

Gaiaren atal honetan, ikasleek behaketa eta aurkikuntza landuko dute irakasleak gidatuta. Litroaren multiplo eta azpimultiploen kontzeptuak azalduko zaizkie ikasleei.
Ondoren, objektuak hartuko dira jardueran aurrera egin ahala haien edukiera neurtzeko. 
 

  • Sortutako datu-taulak
  • Problema sorta

Multiplo eta azpimultiplo guztiak identifikatu dituztela egiaztatzeko, arbelaren laguntzarekin, proposatu unitate-bihurketaren bat edo erabili txosteneko problemak.
Ikasleen erantzunak jasotzen badituzu, haiek berrikus ditzakezu eta, hurrengo saioan, zailenak zaizkien aldeak indar ditzakezu.
 

Hala baderitzozu, eta urteko sasoiaren arabera, indartzeko jarduera gisa, euri-neurgailu bat edo batzuk sor ditzakezu eta gure inguruko prezipitazioen datuak jasotzeko taula bat sortu. Horretarako, berariazko saio bat sortu dugu.
 

Material osagarria

  • Euri-neurgailu bat sortzeko animazioa.
  • Diapositiba-aurkezpenaren tutorialak:
    • Aurkezpen bat bistaratzea
    • Diapositibak aurkezpen batetik bestera pasatzea
    • Diseinuak irudi eta trantsizioekin

 

Saioa: 4. Zuku exotikoak

Informazio orokorra

Pertsona 1-2

Ordenagailuen ikasgela (1x1 / 1x2)

Iraupena:

1 ordu

Ikasleentzako materiala

Edukiera-unitateekin jarraituz, zuku-denda birtualean ospatu behar den zuku exotikoen txapelketan parte hartzeko proposatzen dizugu.
Zapore berriak sor ditzakegu litroaren azpimultiploak erabiliz, bai eta konbinazioak egin eta edari osasuntsu eta goxoak sortu ere.
Unitate-bihurketekin ere jolastuko gara. 

- Konbinazio-lana edukiera-neurri desberdinekin.
- Gure inguruan ohikoenak diren neurketa-unitateak ezagutzea.
- Edukiera-unitateak bihurtzea.

Lana irakasleak adierazi bezala gordeko dugu.

Problema eta bihurketa sorta. Edukiera
"Zukua" zuku-denda - Fruta-zukua egingo dugu
"Zukua" zuku-denda - Lau pertsonentzako fruta-zukua egingo dugu
"Zukua" zuku-denda - Bezeroentzako fruta-zukua egingo dugu
Masa- eta edukiera-unitateak - Jclic

- Ordenagailua
- Testu-prozesadorea

- Problemen eta bihurketen txostena

Baliabide orokorrak

  • Jarduera elkarreragilea: "Zukua" zuku-denda. Fruta-zuku bat sortzea
  • Jarduera elkarreragilea: "Zukua" zuku-denda. Bezeroentzat fruta-zuku bat sortzea
  • Jarduera elkarreragilea: "Zukua" zuku-denda. Lau pertsonentzat fruta-zuku bat sortzea
  • Problemen eta bihurketen txostena

 

Irakasleentzako materiala

Zuku exotikoen jarduera egiteko ikasleak bikoteka banatzea gomendatzen dizugu (edo banaka, eskura duzuen ordenagailu-kopuruaren eta jarduerari eman nahi diozun izaera serioaren edo ludikoaren arabera).
Jardueraren iraupena, gutxi gorabehera, 40 minutukoa izango da.
Soberan dagoen denbora, masa-unitateen eta bihurketen problemak ebazteko erabil dezakegu (20 minutu).
 

Gogoratu aurreko saioko alde garrantzitsuenak. Aurreko saioko aurkezpenak erabil ditzakezu.
Jarraian, proposatu jarduera hau: zapore-sortzaile ospetsuak gara eta zuku exotikoak asmatuko ditugu.
Horretarako, hainbat produktu likido edota solidoren bat behar dugu “Zukuajuice” (zuku-denda birtuala) delakoan. Bertan, zuku desiragarri, dibertigarri eta erakargarrienak sortzeko beharrezkoak diren produktu guztiak topatuko dituzu.
Amaitzeko, zuku-nahasketa guztien bateratze-lana egin dezakezue dibertigarriena aukera dezaten.
Jaso zukuen errezetak eta haietan oinarrituz, unitate erabilienak errepasatu edo ikasgelako errezeta-liburua sor dezakezu.
Amaitzeko, proposatu txosteneko hainbat ariketa eta problema.
 

Problema-egoerak landuko dira aplikazio elkarreragileen bidez.

Txostena problemen eta bihurketen emaitzekin.
 

Problemak eta bihurketak arbel digitalaren laguntzaz ebaztea edo banakako berrikuspena txosteneko zuzenketa eta jarraipenarekin.
 

Txostena modu elkarreragilean erabil dezakezu ordenagailuan edo eskuz txostena inprimatzen baduzu.
 

Baliabide orokorrak

  • Problema eta bihurketa sorta. Soluzio-orria.
  • Ebaluazio kualitatibo eta kuantitatiborako orientabideak.

Saioa: 5. Egiazta dezagun ikasitakoa

Informazio orokorra

Banaka
Talde handia

Ikasgela
Ordenagailuen ikasgela (1x1 / 1x2)
Ordenagailu eramangarrien / Pertsonalaren ikasgela

Iraupena:

1 ordu

Ikasleentzako materiala

Gaur, ikasitakoa indartzeko ariketa sorta bat egin eta zenbat ikasi dugun egiaztatuko dugu. Masa eta bolumena jada ez dira ezezagunak guretzat.
 

1. Masa eta edukieraren multiploekin eta azpimultiploekin bihurketak egingo ditugu.
2. Hainbat objekturen masa edo edukiera asmatzeko problemak ebatziko ditugu.
3. Marraztutako objektu desberdinen bolumena ezagutzeko edukiera-unitateak adieraziko ditugu (litro, mililitro...).
4. Objektuen masa ondorioztatuko dugu kalkuluak buruz eginez.
5. Hainbat bolumen ordenatuko ditugu.
6. Hainbat formatako objektuen masa transkribatuko dugu.
7. Bi problema sortuko ditugu, bata masari buruzkoa eta bestea edukierari buruzkoa.
 

Sintesi-jarduera
Masa- eta edukiera-unitateak - Jclic

- Ordenagailua

Baliabide orokorrak

  • Jarduera elkarreragilea: Masa- eta edukiera-unitateak
  • Sintesi-jarduera 

Irakasleentzako materiala

Proposatutako jarduerak banaka egitea komeni da ondoren, jaso eta azken ebaluazio gisa erabiltzeko.
 

Landutako alde garrantzitsuenei errepaso azkarra eman eta, ondoren, banakako jarduerari ekitea proposatzen dizugu. "Masa- eta edukiera-unitateak" jarduera elkarreragilea erabili azken bateratze-lanerako. Ondoren, idatzitako ariketak banaka egingo dituztenez, proposamenean landu ditugun aldeak bereganatu dituzten egiaztatuko dugu.
 

Azken sintesi-saio honetan, ikasitakoa indartzeko eta ikaskuntza-prozesua ebaluatzeko hainbat ariketa egingo ditugu.
 

Sintesi-jardueraren soluzio-orria.

Ariketak bildu eta zuzentzea.
 

Amaitzen dutenean, minutu batzuk erabili ikasleekin batera problemak ebazteko; hala, ikasleak egin dituzten akatsez ohartu eta zalantzak argituko dituzte.
Ikasleren batek jarduera burutzen ari direnean galdetzen badu, izenburua eta egin beharreko ariketa ulertzen laguntzea gomendatzen dizugu baina nola egin behar duen esan gabe.
 

Baliabide orokorrak

  • Saio honetako jarduera guztiak biltzen dituen gida edo txostena.
  • Jarduera elkarreragilea: masa eta edukiera.
  • Soluzio-orria.
  • Ebaluazio kualitatibo eta kuantitatiborako orientabideak.

 

Saioa: 6. Saio osagarria: Euri-neurgailua

Informazio orokorra

Talde handia

Arbel digitaldun ikasgela
Jolastokia

Iraupena:

1 ordu

Ikasleentzako materiala

Euria jaso eta neurtzeko plubiometro edo euri-neurgailu bat egingo dugu.
Meteorologoak izatera jolastuko gara. Hainbat materialekin, gure euri-neurgailua modu erraz eta dibertigarrian sortuko dugu.
Hala, gure inguruko prezipitazioak jaso eta zenbat euri egin duen jakingo dugu.
Gainera, datuak biltzeko taula bat osatuko dugu norberaren emaitzak konparatzeko.
 

- Eraiki dezagun ontzia: euri-neurgailua.
- Datuak jasotzeko taula sortzea.

Talde-fitxa
Datuak jasotzeko taula. Prezipitazioak

- Arbel digitala

Euri-neurgailua:
- Litro eta erdiko plastikozko botila
- Inbutua
- Zinta itsasgarria
- Guraizeak

 Baliabideak

  • Talde-fitxa
  • Datuak jasotzeko taula
Euri-neurgailu bat sortzea

Indartzeko material osagarria Euri-neurgailua eraikitzeko azalpen-orria.
 

Irakasleentzako materiala

Jarduera talde handian aurkeztea (20 minutu inguru).
Talde txikian eraikiko dugu (40 minutu inguru).
 

Euriaren inguruko sarreratxo bat egitea proposatzen dizugu, tanta forma duen ur-prezipitazioa dela adieraziz. Tanta horien diametroa 0,5 mm-koa baino handiagoa denean, lurrera erortzen dira grabitate-indarraren ondorioz. Leku batean erortzen den euri-kopurua plubiometroekin neurtzen da. Neurketa milimetrotan adierazten da eta 1 m2-ko azalera horizontal eta iragazgaitz batean metatzen den uraren baliokidea da.
Erakutsi estazio meteorologikoetan dauden plubiometro mota desberdinak, bai eta etxean egin daitezkeenak ere.
Ikasgelan euri-neurgailua nola egin erakusten jarrai dezakezu (tutorialtxoa argazkiz argazki).
Halaber, azaldu zertarako erabiliko dugun, zenbat denboraz izango dugun eta datuak nola jasoko ditugun taulan. 
  

Ingurunea zuzenean behatuz, likidoen edukiera-unitateetan sakonduko dugu euri-neurgailua egin eta erabiltzen dugunean. 
 

Sortutako datu-taulak.

Ikasle guztien prezipitazioak jasotzen badituzu, eremutan banatutako taula sor dezakezu eta horri buruz hitz egin.
 

Ikasleen neurketen artean desberdintasun txikiak egongo direnez, zonalde jakin batzuen kasuan izan ezik, balio handia dute datuen jarduera matematikoak zein ingurunea zehatz behatzeak.
 

Baliabide orokorrak

  • Plubiometroa eraikitzeko bideoa (lotura)
  • Eraiki eta erabili euri-neurgailua prezipitazioa neurtzeko (lotura)

Material osagarria

  • Impress-i buruzko tutoriala: aurkezpen bat sortzea
  • Lotura: Meteorologia-tresnak