Saltatu nabigazioa

MERKATARITZA, ONDASUNAK, ZERBITZUAK…

Sekuentzia honetan, iritzi-testuak lantzeari ekingo diogu, merkataritzaren, ondasunen eta zerbitzuen gaiei helduta. Helarazi nahi dugun mezuak harrera ona izateko, berebiziko garrantzia du ideiak egoki egituratzeak (sarrera, garapena eta ondorioa), eta horri erreparatuko diogu, bereziki.

Bestalde, iritzizko testuetan  ikuspuntu ezberdinak kontrajarri edota informazioa erantsi egiten dugu, besteak beste; eta, horretarako,  era askotako testu-antolatzaileak erabiltzen  ditugu (aitzitik, era berean…). Horietako batzuk ere landu egingo ditugu.

Bizkaiko aberatsak
dira diruzale,
txerri-erosle eta
txorizo-saltzaile.
Dendaz bete dituzte
Bilbon zazpi kale,
inoiz ez dute eman
pausorik debalde,
burrukatzen baitute
diruaren alde		 Hura ikusi eta
dendari guztiak
zaharrak geldi eta
korrikan gaztiak
saldu nahi dizkiote
makailu bustiak
gauerdiko izarrak
eta eguzkiak
inor engainatzeko
nolako trastiak.		 Kojuaren moduan
joan da ihesi
hanka bakar batekin
baliteke bizi.
Mundu honetan ez da
batere justizi
zazpi kaleetan nahi
traje bat erosi
eta oinetakoa bertan
behar itzi.		 Ez zaitez bertan sartu,
euskaldun maitia,
zabalik badaukazu
bertako atia,
galduko duzu eta
bigarren hankia
bai eta, bide batez,
zure hankartea.
Euskaldun batentzako
zer errematia!
Arratiko gizona
Bilbora doa maiz
Lemoako tranbian
eta beti garaiz
bere artean dio
umore txit alaiz
traje berri batekin
gaur bestituko naiz
lehengo arlotea
jantziko da galaiz.		 Somera, Artekale,
gero Tenderia,
han ikusi genuen
mila komeria.
Tenderoaren grinak
nork erremedia!
Gizonaren gainean
han erori dira,
hanka kendu diote,
ai, zer aberia!		 Euskal baserritarrak
dadukan pobrezia,
baino haundiagoa
askoren grandeza.
Madrildik etorri den
Korte Ingelesa,
bertan sartuko balitz
euskaldun baldresa,
dirua gastatzeko
manera erreza.

Oskorri
  • Ezetz jakin zergatik dagoen argazki hori kantaren hitzekin batera!
  • Kanta entzun ostean, zer esango zenuke zuk honako baieztapen hauei buruz?
    • Bizkaiko aberatsak dira diruzale.
    • Inor engainatzeko nolako trastiak.
    • Mundu honetan ez da batere justizi.
    • Korte Ingelesa... dirua gastatzeko manera erraza.
  • Egin kantaren laburpena eta eman zeure iritzia. Itzul ezazu “Para mi- Niretzat” blogean azaldutakoa. Ados al zaude bertan esaten denarekin?