Proposamena: Luzerak neurtzen

 Ikasgelako jarduerak egiten hasi aurretik, enbalajeak edo katalogoak bilatuko ditugu eta, horietan agertzen den informazio idatzian, luzerarekin zerikusia duten neurri-unitateak alboan idatzita dituzten kantitateak identifikatuko ditugu.

Ikasgelara ekarriko ditugu aztertzeko. Ea nork aurkitzen duen material bitxiena!

 Materiala aukeratu eta ikasgelara ekartzea hurrengo saioan lantzeko.

 Jarduera hau etxean egingo da.

 Gidoi horrekin errazagoa izango da ikasgelara ekarri eta neurtzeko objektuen laginak aukeratzea.

Gure senideek lagun gaitzakete zeregin horretan.

Banaka, ikasleek etxean bilatuko dituzte erreferentziak, hain zuzen ere, eguneroko bizitzan inguratzen gaituzten objektuetan agertu ohi diren luzera-neurriekin lotutako bilgarri edo katalogoetan.

Senideei laguntza eskatu eta eman diezun aukeraketa-irizpideen gidoia jarrai dezakete.

 Lehenik, azaldu ikasleei zertan datzan proposamen didaktikoa.

 Ingurunea behatzeko ohitura sustatzeko, adierazi ikasleei etxetik enbalajeak eta katalogoak ekarri behar dituztela, luzerarekin zerikusia duten neurri-unitatedun kantitateak idatzita dituztenak.

Materiala aukeratzeko irizpideak dituen gidoia eman diezaiekezu arreta behar den lekuan jar dezaten.

Ohartarazpena aldez aurretik egitea komeni da bilaketa erraztu eta ekarpenek arrakasta izan dezaten.

Zeregin horietarako erabili ohi diren komunikazio-bideak erabil ditzakezu: eskola-agenda, zereginen egutegia...

 Behatu eta informazioa biltzea.

 Ikasgelan aipatu informazioa jasotzen duten hainbat lagin izatea komeni da, behar duten ikasleek eskatzen zaiena ikus dezaten edo, beharrezkoa balitz, informazio-bilketa osa dadin.

 Aukeraketa-irizpideak dituen gidoia behaketa-fitxa gisa erabil daiteke hurrengo saioan.

Etxetik ekarritako materialak bilduko ditugu. Ikaskideei honakoa azalduko diegu: zein objekturi dagokion, zein den agertzen den neurria eta zein ezaugarri neurtzen duen. Ondoren, sailkatu egingo ditugu.

Galderen bidez, maisuak edo maistrak jarduera gidatuko du Sistema Metriko Hamartarra zenbakizko ikuspuntutik uler dezagun (multiploak eta azpimultiploak). Metroa eredu gisa ezagutuko dugu.

Jarraian, arbel digitalean, gure inguruko objektu errealak eta metrora gehien hurbiltzen direnak ikusiko ditugu eta txikiagoak edo handiagoak zein diren asmatuko dugu. Objektu horiek neurtzeko behar den neurketa-unitatea identifikatuko dugu.

I. jarduera. Behaketa-fitxa aukeratu duzun materialarekin beteko dugu.

II. jarduera. Fitxak ezarritako irizpidearen arabera sailkatuko ditugu.

III. jarduera. Arbel digitalean irudiak ikusi eta honakoa adieraziko dugu:

• Metroa baino handiagoa edo txikiagoa da?
• Zein neurriren inguruan dabil?

• Diapositiba-aurkezpenen editorea
  
• Arbel digitala

• Etxetik ekarritako paper-zatiak
• 6 paper-zorro garden, etiketak eta errotulagailuk

 Dokumentu horiei esker, gehiago jakingo dugu luzerari buruz.

Saioaren lehen zatian, ikasleek egin beharreko aurkezpen eta materialen bilketa eta sailkapenaren jarduera koordinatuko duzu (30 minutu).

Bigarren zatian, arbel digitalean eguneroko bizitzako objektuen irudiak dituzten diapositibak aurkeztuz gidatuko duzu saioa.

Galderak eginez, ikasleen elkarrekintza eta parte-hartzea sustatzen badituzu, neurketa eta magnitudearen kontzeptuak argitu ditzakezu (30 minutu).

Saioaren lehen zatirako ekintza segida hau jarraitzea proposatzen dizugu:

Galdetu ikasleei zein den jarduerari egin dioten ekarpena, materiala aurkitu ote duten eta, hala izan ez bada, zergatik.

Jarraian, aukeraketa-irizpideen inguruko gidoiko galderak erantzunez, etxetik ekarritako materialaren inguruan hitz egin dezatela eska iezaiezu.

Eskatu behaketa-fitxa aukeratutako materialarekin betetzeko.

Ondoren, ezarri sailkapen-irizpidea eta antola ezazu proposamen osoa garatzeko kontsulta-erreferentzia gisa ulertzeko moduan.

Jarraian, irudi batzuk proiektatzea gomendatzen dizugu, ikasleekin hitz eginez, objektu errealen neurriak kalkulatzeko gaitasuna sustatzeko.

 Aurkikuntza gidatua.

Ikasleek eginiko ekarpenak erregistratzea proposatzen dizugu, hala haien parte-hartzea eta jarduerarekiko duten interesa baloratuko duzu, bai eta ekarri duten materialaren kalitatea ere.

Lehen jarduera banaka edo taldeka egin daiteke, zuk eginiko galderei erantzunez.

Behaketa-fitxak sailkatzeko luzera-unitateen laburdurak dituzten etiketadun paper-zorro gardenetan jarri eta horma-irudi bat osa dezakezu erreferentzia gisa erabil dezaten.

 Metro bateko soka zatiak izan ditzakegu proiektatutako objektuen balioak kalkulatzeko erreferentzia gisa.

Sakontzeko bi dokumentu eskaintzen dizkizugu.

Orain, taldeka, ikasgelako edo gure inguruko hainbat objektu neurtuko ditugu. Neurketa-tresna egokiena aukeratuko dugu eta emaitzak erregistro-taulan idatziko ditugu balio eta unitate zehatzak erabiliz.

Objektu sorta bat neurtzea aukeratutako proposamenaren arabera. Egin beharrekoa:

• Aukeratu behar dugun neurketa-tresna.
• Neurtu objektua neurriari dagokion ezaugarria zehaztuz.
• Idatzi taulan dagokion balioa eta neurketa-unitatea.

Erregistro-taula egiteko paperezko orri bat edo testu-editore edo kalkulu-orri bat erabil daiteke eta gogoratu hurrengo saioan berreskuratu egin behar dela.

Erregistro-taula hurrengo saioan erabiliko da.

Neurrien datuak kalkulu-orri batean jaso badira, zutabe edo barraz osaturiko irudi-grafiko bat egin dezakegu.

Ikasleak 4 edo 5 pertsonako taldetan banatzea proposatzen dizugu. Talde bakoitzak neurketa-tresna desberdinak ez ezik, erregistro-taula bat ere behar du dagozkien neurketak egiteko.

Antolatu lantaldeak eta banatu egin beharreko zereginak. Ziurtatu talde bakoitzak behar duen materiala duela eta lanari ekin diezaiokeela. 10 neurketa inguru egin daitezke. Taldeen lana behatu eta, hala baderitzozu, lagundu.

Eskola amaieran, landutako erregistro-taulak jaso ditzakezu emaitzak ebaluatu eta, erabili duten euskarri digitalaren arabera, hurrengo saiorako kopiak egiteko.

Talde-lana.

 Neurketa-proposamenak:

• Ikasgelako ikasleen altuera
  
• Ikasgelako altzariak (mahaia, aulkiak, altzariak, apalak...)
  
• Ikasgelaren neurriak (ateak, leihoak, hormak...)
  
• Idazmahaiko materiala (arkatzak, borragomak, kutxatilak, motxilak...)
  
• Lanerako eta kontsultarako materiala (liburuak, netbook, hiztegiak, agiritegiak, orriak...)

Taldeen erregistro-taulak jasotzea gomendatzen dizugu, hala, berrikusi eta nahikoa argi geratu ez diren aldeak indartu baititzakezu, bai eta neurketen doitasuna eta kopuruen adierazpena ere.

Fitxa batean lantaldeak eta bakoitzaren zereginak jaso ditzakezu segimendua errazteko.

Hurrengo saiorako talde bakoitzak emaitza guztiak jasoak izan beharko lituzke.

Saio honetan, gure taldeak eginiko neurketak aurkeztuko dizkiegu ikaskideei. Kopuruak nola adierazi ditugun azaldu eta beste aukera batzuk aipatuko ditugu.

Ondoren, problema bat planteatuko dugu talde desberdinek jasotako neurriak erlazionatuz.

Taldeen proposamen guztiak jaso ostean, gure lantaldearekin ebatziko ditugu.

 I. jarduera
Neurketak azaltzea
• Zein dira neurtu dituzuen objektuak?
• Zein adierazpide erabili duzue? Zergatik?

II. jarduera
Lan honetan jaso diren neurriak lotuko dituen problema bat proposatzea.

III. jarduera
Proposatutako problemak taldean ebaztea.

 (Problema-adibidea: zenbat liburu kabitzen dira apalean? Zenbat orri behar dira arbela estaltzeko? Zenbat metro zinta behar dira mahaiari bira emateko?...).

• Ordenagailua
  
• Arbel digitala

 Aurreko saioko neurketen erregistro-taulak beteta ekarri behar ditugu.

Lantalde desberdinek eginiko neurketak ez ezik, nola egin eta nola adierazi dituzten azalduko dute.

Aurkezpenak entzun ostean, talde bakoitzak problema bat proposatuko du erreferentzia-datu gisa talde desberdinek eginiko neurketak hartuta.

Azkenik, problemak taldean ebatziko dituzte ohiko metodologia erabiliz.

Saioaren lehen zatian, bideratu talde desberdinek aurreko saioan eginiko neurketei, emaitzei eta horiek egiteko moduari buruz egingo duten azalpen-jarduera.

Aurkezpenak egiten dituztenean, jarri arreta erabiltzen duten zenbaki-adierazpen motan. Hala, kopuru bera adierazteko hainbat modu dagoela eta horien arteko konparazioak egiteko unitate berarekin adierazi behar direla azal dezakezu.

Banatu taldeen artean sortutako erregistro-taulak talde bakoitzak, erreferentzia gisa jasotako datuak hartuz, problema bat proposa diezaien gainerako guztiei. Adibideren bat kolektiboki lantzen baduzu, ikasleek zalantza gutxiago izango dituzte.

Talde desberdinek eginiko proposamenak zuk zeuk edo ikasle batek jaso ditzake testu-dokumentuan arbel digitalarekin. Lantalde bakoitzak problemak ohiko prozedura jarraituz ebatziko ditu eta, bitartean, egiten dutena beha dezakezu eta, hala baderitzozu, lagundu.

Eskolaren amaieran, ikasleek kolektiboki egin ditzakete zuzenketak edo horiek jaso ondoren baloratzeko.

Ahozko azalpenak.

Unean bertan egingo da.

Eskolaren amaieran, talde bakoitzak eginiko lanak jasotzea gomendatzen dizugu, horiek berrikusi eta argi geratu ez diren aldeak indartzeko.

Saio honetan, unitate-bihurketa egiten ikasiko dugu simulagailu bat erabiliz. Gogoratu unitate desberdinetan adierazitako neurriak konparatu eta horien arteko eragiketak egiteko, lehenik, unitate berera bihurtu behar ditugula.

 I. jarduera
Luzera-unitateak ordenatzea eta laburdurak ezagutzea.

II. jarduera
Luzera-unitateak bihurtzeko ariketak ebaztea.

III. jarduera
Luzera-unitateak bihurtzeko problemak ebaztea.

• Ordenagailua

Saio honetan, unitateak aldatzeko simulagailua aurkeztuko duzu jarduerak ebazteko baliabide gisa.

Banaka, ikasleek luzera-unitateak bihurtzeko erregelak aplikatuko dituzte unitate batzuk beste batzuetan eraldatu behar diren ariketa elkarreragileak ebazteko.

Azkenik, problemak ebazten jakingo dute aplikatu behar duten lekuetan.

Lehenik, azaldu talde osoari (arbel digitalaren laguntzaz) nola dabilen unitateak aldatzeko simulagailua eta zein erabilgarritasun duen neurriak konparatu eta elkarren arteko eragiketak egiteko. Lehenik, ikasleek arbelean adibide batzuk egitea komeni da errazago uler dezaten.

Jarraian, proposa iezaiezu ariketa elkarreragileak banaka egitea.

Azkenik, ikasleek, unitate-bihurketa aplikatu beharko dute zenbait problema ebazteko.

Metodologiak norbanakoaren lana sustatuko du problemak ebatziz eta unitate-bihurketa aplikatuz, bai eta balioak ordenatu, konparatu eta horien arteko eragiketak eginez.

Ariketa-proposamena norberak zuzen dezake, zuzen eta oker egindakoen emaitza jasoz eta zuzentzeko aukera emanez.

Problemak ikasgelako material gisa edo etxean indartze material gisa erabil daitezke. Problemak zuzentzeak edukien ebaluazio gisa balio dezake.

Doako bi deskonprimigailu hauek dituzu jarduera elkarreragileak zuzen burutu ahal izateko.