2. jarduera

“Hizki-zopa” baten diseinua

Angeluen gaiarekin lotutako gako-hitzak izango dituen hizki-zopa bat egiteko unea iritsi da. Aurreko jardueran egin duzuen taula erreferentzia ona da. Ez ahaztu hura erabiltzea!

Zuen hizki-zopa egiteko, testu-prozesadorea erabiliko dugu eta, hizki-zopa bukatutakoan, beste ikaskide batzuk gonbida ditzakezue zuen ariketa ebaztera.

Animatzen al zarete? Jarraitu irakurtzen!

Hona hemen neurketa-unitate batzuk: luzerarena metroa da, eta masarena, kilogramoa. Dagoeneko badakizue gradua dela angeluak neurtzeko erabiltzen den unitatea.

Gradu bat angelu zuzen baten laurogeita hamartarren zatia da. Hau da, angelu zuzen bat 90 zatitan banatzen baduzue, zati bakoitza gradu bat izango da. Zeinen txikia!

Baina badira gradu batekoak baino txikiagoak diren angeluak ere. Logikoa da angelu batek gradu kopuru zehatza ez neurtzea. Ohikoa da angelu batek 35º eta koska neurtzea, eta oso arraroa, 35º zehatz-mehatz neurtzea. Horregatik, gradu-zatitzaileak beharrezkoak dira.

Gogoratu zein diren metroaren zatitzaileak: zentimetroa (1 metro = 100 cm), milimetroa (1 metro = 1.000 mm), etab.
Graduaren zatitzaileak hauek dira: minutua (1 gradu = 60 minutu) eta segundoa (1 minutu = 60 segundo edo 1 gradu = 3.600 segundo).

Berriro ere babiloniarren 60 famatuarekin!

Minutua apostrofo batez adierazten da ('), eta segundoa, bi apostrofoz ('').
Gogoratu

Jarduera egiten hasi aurretik, graduak, minutuak (') eta segundoak ('') batetik bestera pasatzeko ariketa batzuk egin ditzakezue. Adibidez, hau erabil dezakezue: sistema hirurogeitarrari buruzko baliokidetasunen joko elkarreragilea.

JARDUERA

Jarri binaka eta ireki fitxategi hau (.odt).

Egin gutxienez 10 lerro eta 10 zutabe dituen taula bat.
Erabaki bien artean hizki-zopan zer hitz sartuko dituzuen.
Jarri hitzak hizki-zopan. Edozein norabidetan jar ditzakezue: horizontalean, bertikalean edo diagonalean. Gainera, interesgarria izan daiteke hitzak gurutzatzea beste hitz baten hizki bat erabiliz. Beharrezkoa izanez gero, jarri zutabe edo lerro gehiago zuen taulan.

Orain, falta diren laukiak bete beharko dituzue hizkiak ausaz erabiliz.

Gogoan izan letra larriz edo letra xehez idatzi behar dituzuela zopako hizki guztiak. Ez dituzue letra larriak eta letra xeheak nahasi behar.
Aprobetxatu zuen hizki-zopa egitean gustuko duzuen diseinua erabiltzeko. Taularen kolorea eta laukien tamaina erabaki dezakezue, eta irudiren edo xehetasunen bat gehitu.

Zorionak! Zuen lehenengo jokoa diseinatu duzue.

Bukatzeko, ebatzi jarduera.

Konturatzen al zarete zuen hizki-zopak balio izango duela beste pertsona batzuk josta daitezen hura ebazten duten bitartean? Bikain!

Sistema hirurogeitarra

Unitateen baliokidetasunaren joko elkarreragilea: http://redes.agrega.indra.es/repositorio/13062008/es_20080613_3_9162853//mt14_oa02_es/index.html

Kalkulagailua

Egin klik irudian, kalkulagailua erabiltzeko.

Zalantzarik izanez gero, erabili eskuliburua.

Autor

Laguntza

Ezker menua (goitik beherako ordena): sekuentziaren orri nagusiaren ikurra (home), iturriaren tamainaren ikurra, inpresio ikurra, laguntzarako sarrera ikurra eta edukinaren aurkibidearen ikurra.
Materialaren izena barra eta sekzio aktualaren izenburua.
Nabigazio geziak (hurrengo edo aurreko orrialdea).
Edukinarentzako hutsunea.

Autor:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

Copyright:

Gogoratu

Graduetatik minutuetarako (') igarotzeko, 60z biderkatu behar da
Adibidez: 36º = (36*60)‘ = 2.160 ‘
Minutuetatik (') graduetara igarotzeko, 60z zatitu behar da
Adibidez: 1.500 ' = (1500 / 60)º = 25º
Minutuetatik (') segundoetara ('') igarotzeko 60z biderkatu behar da
Adibidez: 54 '; = (54*60)” = 3.240 ''
Segundoetatik ('') minutuetara (') igarotzeko, 60z zatitu behar da
Adibidez: 1.320 '' = (1.320 / 60)' = 22 '

Aurkibidea

Matematikekin jokoak diseinatzen
Irakasleentzako gida

Kredituak

ZUZENDARITZA: Narcís Vives
KOLABORATZAILEAK:

PRODUKZIO-ZUZENDARITZA: Antonio Cara
EDUKI-ZUZENDARITZA: Mª Cristina Pérez eta Magdalena Garzón
MATEMATIKA ARLOAREN KOORDINAZIOA: José Orenga
ZUZENDARITZA TEKNIKOA: Maite Vílchez
EGILEA: Marcel David Pochulu eta Mª Cristina Pérez
GAZTELERAZKO BERTSIOAREN ESTILO-ZUZENKETA: Anna Betriu eta Joan Martín
EUSKARARA ITZULPENA: Bakun itzulpen eta argitalpen zerbitzuak, s.l.
MAKETAZIOA: Maite Vílchez eta Miquel Gordillo