1. Palankaren legea argitzen

PHET simulazioa irekiko dugu: Oreka-laborategia

• Lehenengo pantailara joango gara: sarrera. Balantzineko euskarriak kenduko ditugu. Libre utziko dugu, eta "erregelak" aktibatuko.
• Itzalgailua alde batean utziko dugu, mutur baten. Gero, beste aldeko muturrean, zaborrontzia. Argi dago balantzina desorekatuta dagoena.
• Orain, pertza mugituko dugu harik eta balantzina orekatu arte. Zer posiziotan lortuko dugu? Badago erlazioren bat euste-puntura arte dagoen distantziaren eta bi objektuen oreka-posizioen artean? Pentsatu, eta saiatuko gara matematikoki adierazten.
• Taldeek ikasgelan partekatuko dugu zer erlazio pentsatu dugun, eta, irakaslearen laguntzaz, matematikoki adieraziko dugu.
• Objektu biak mugituko ditugu, txandaka, harik eta berriro orekan egon arte. Betetzen al da erlazioa? 
• Orain, bi itzalgailuekin lan egingo dugu, eta aurreko prozesua errepikatuko. Orekaren emaitzak marraztuko ditugu, eta formula batekin egiaztatuko.
  

2. Aurreikusten

Dagoeneko palankaren legea ezagutzen dugu. Beraz, aurreikuspenak egin ditzakegu.

Hurrengo pantailara igaroko gara: oreka-laborategia. Euskarriak kendu, eta erregela aktibatuko dugu.

• Mutur batean, 5 kg-ko adreiluak jarriko ditugu 2 m-ra, eta 10 kg-ko beste batzuk jarriko ditugu 1,5 m-ra. Oreka lortzeko, euste-puntutik zer distantziara jarri beharko ditugu 20 kg-ko adreiluak?
• Mutur batean, 5 kg-ko adreiluak jarriko ditugu 0.75 m-ra, eta 15 kg-ko beste batzuk jarriko ditugu 1.75 m-ra. Oreka lortzeko, euste-puntutik zer distantziara jarri beharko ditugu 20 kg-ko adreiluak? 
• Kalkuluak egin, eta simulazioaren bidez egiaztatuko dugu.
• Orain, “pertsonak” aukerara pasatuko gara, eta arazo-egoera ebatziko dugu: orekan egoteko, zer posiziotan jarri behar dira helduak, mutikoa eta neskatoa?
• “Objektu misteriotsu”etara igaroko gara. A objektu bat jarriko dugu beso batean, euste-puntutik 1,5 m-ra. Beste besoan, berriz, B objektua jarriko dugu, 2 m-ra, eta D objektua, azkenik, 1,5 m-ra. Zenbat pisatzen dute objektuek?

3. Saioa amaitzeko, jolastuko dugu

• • “Jolas modua” pantailan jarriko gara. Taldekideekin txandakatuta, erronkak eta mailak igaroko ditugu. Ikaskideren batek ez badaki ondo nola egin, guztion artean lagunduko diogu. Eragiketa eta puntuazio guztiak apuntatuko ditugu, nork bere koadernoan.
  • Bi saiakera daude erronkako. Lehenengo eta behin, kalkuluak egin behar dira; gero, objektuak kokatu behar dira kalkulatutako posizioan, edo aukeren artean hautatu behar da. Egiaztatzeko (berrikusi), balantzinari euskarria kenduko diogu. 
  • Jokoa amaitzeko, zenbatuko dugu zenbat puntu lortu dituen taldeak, eta idatziko dugu zertan egin dugun huts eta zer erronka suertatu zaizkigun zailak. Elkarrekin partekatuko ditugu erronka horiek, eta denon artean ebatziko ditugu irakaslearen laguntzaz.