Aurkezpena

PROPOSAMENA TESTUINGURUAN KOKATZEA

Proposatutako jardueran helburua da ikasleei zenbaki-sistemen bilakaera hurbiltzea. Horrez gain, ikasleek ikasiko dute zenbaki-sistema hamartarra nagusitu egin dela, zenbakiak osatzeko eta eragiketak egiteko eskaintzen duen erraztasuna dela eta. Historiari buruzko atalean zenbaki-sistemen jatorria aurkezten da. Sumertarren zenbaki-sistema hirurogeitar ez-posizionaletik abiatuta, bilakaera azaltzen da gaur egungora iritsi arte. Azken jardueran erromatar zenbaki-sistema ez-posizionala lantzen da, historian izan duen garrantziagatik, eta gaur egun ere etengabe ageri diren arrastoen eta erabilerengatik. Izan ere, gure bizitzetan presentzia handia dute, "zenbaki erromatarrak eguneroko bizitzan" eranskinean azaltzen zaigunez. Ikasleek hari buruzko kontzeptuak ulertzea da helburua, zenbaki-sistema posizional batekin alderatzeko gai izan daitezen, esaterako, zenbaki-sistema hamartarrarekin.

Lehen bi jardueretan zenbaki-sistema hamartarra lantzen da, bederatzi zifrarainoko zenbakien irakurketa eta idazketa, eta zenbakiak osatzeko eta deskonposatzeko arauak, zenbakiak alderatu ahal izateko eta eragiketen emaitzak interpretatzeko.

Jarduera osagarri gisa, kalkulagailua erabiltzea proposatzen da, jarduera jolas dibertigarrietan oinarrituz, modu erakargarrian ikasleek kalkulagailua erabiltzen ikas dezaten.

JARDUEREN SEGIDA

A etapa. Sarrera

1. jarduera. Zenbaki-sistema hamartarrean zenbakiak irakurtzen eta idazten ikastea. Batekoa, hamarrekoa, ehunekoa, milakoa eta abar zer diren ikastea.

Kalkulagailuaren oinarrizko erabilera.

B etapa. Garapena

2. jarduera. Bederatzi zifrarainoko zenbakiak adieraztea, alderatzea eta ordenatzea, zeinua kontuan hartuta.

C etapa. Bukaera eta ebaluazioa

3. jarduera. Zenbaki erromatarrak eta haien baliokideak zenbaki arabiarretan.

Taldean egiteko jarduerak.

Ibilbidea

Gida honek atal hauek ditu:

• Orientabide metodologikoak. Gomendioak, irakasleak jarduerak egin ditzan, erantzunak eta baliabideak.

• Programazioa:

  Arloko gaitasunak.

  IKT gaitasunak.

  Ikasketa-helburuak eta edukiak.

  Ebaluazio-irizpideak.

• Material honi buruz. Proiektuaren oinarriak datoz, sekuentzia didaktikoen oinarri den ikuskera teorikoa eta materiala erabiltzeko eta deskargatzeko gida bat.