1. jarduera

Zirkunferentzia eta zirkulua: aldeak eta erlazioa. Erradioa eta diametroa

Zirkunferentzia perfektuak marrazten ikasiko duzue. Zirkunferentziaren ezaugarriak zein diren ikasiko duzu, zirkunferentziaren eta zirkuluaren artean zer erlazio dagoen, eta irudi horien gainean zer elementu identifika ditzakegun.

Iturria: http://www.google.es/images

Zirkunferentzia eta zirkulua: aldeak eta erlazioa

Zirkunferentzia eta zirkulua irudi biribilak dira, eta hitz egiten ari garenean, erraza da haiek nahastea.

Jarduera egiten hasteko, ideiak argituko ditugu, eta ikusiko dugu zirkunferentzia eta zirkulua zertan diren desberdinak eta zertan diren berdinak.

Zirkunferentzia eta zirkulua bereizteko modurik onena haiek marraztea da. Eta marrazten ditugunean, haien alderdi komunetan eta desberdintasunetan jarriko dugu arreta.

Marraztu ditzagun ordenagailuan. Horretarako, egin klik hemen.

Eskuz marrazteko, objektu biribilak eta lauak erabil ditzakezue.

Zirkunferentzia bat marrazteko, edozein txanpon erabil dezakezue. Nahikoa da paper baten gainean jartzea, zirkunferentzia egin nahi duzuen lekuan. Ondoren, arkatz batez, txanponaren profilari jarraituko diozue. Lerroa ixten duzuenean, zirkunferentzia perfektua izango duzue.

Behin aurreko argibideei jarraitu eta zirkunferentzia eginda, zirkulua egin dezakegu. Horretarako, zirkunferentziaren barrualdea margotu beharko dugu uniformetasunez.

Geroago, zirkunferentzia perfektuak egiteko beste teknika batzuk proposatuko dizkizuegu.

Zirkunferentziaren eta zirkuluaren elementuak

Hainbat elementu daude bi irudi geometriko horiekin loturik. Jarduera honetan, elementu horiek zein diren esan, eta haiek definitzen eta kokatzen ikasiko dugu.

Zirkunferentziaren eta zirkuluaren elementuak. Egin klik hemen.

Erradioa eta diametroa

Ikusi ditugun elementuetatik, erradioa eta diametroa dira bereziki garrantzitsuak, zirkunferentziaren eta zirkuluaren tamainarekin baitaude lotuta. Sekuentzia honetan aurrerago ikusiko dugunez, balio handiko kalkuluak egingo ditugu erradioari eta diametroari esker.

Erradioa eta diametroa. Horretarako, egin klik hemen.

JARDUERAK

Definitu:

1. Zirkunferentzia:
2. Zirkulua:

Aukeratu bost objektu biribil (zenbait tamainatako txanponak, ur-botilen tapoiak…), eta erabili zirkunferentziak eta zirkuluak egiteko (zirkunferentziak ezkerraldean, eta zirkuluak eskuinaldean).

Erregela batez, ireki konpasa 4 zentimetro. Orri batean, adierazi non egongo den egin behar duzuen zirkunferentziaren erdiko puntua. Jarri konpasaren orratza puntu horretan eta biratu konpasa irudia osatu arte. Egiaztatu zer distantzia dagoen zirkunferentziaren edozein punturen eta erdiko puntuaren artean.

Jarraitu jarduera honetako irudietan adierazitako argibideei eta egiaztatu lortutako puntua zirkunferentziaren zentroa dela.

Bete hutsuneak:

1. diametroa=8 cm; orduan, erradioa=4 cm

2. d = _________, orduan r = 9 cm

3. d = _________, orduan r = 3,2 cm

4. d = 7,8 cm, orduan r = _________