3. jarduera

Zirkuluaren azalera eta ezagutzen dituzuen beste irudi batzuekin duen erlazioa

Belize-tik 100 kilometro ingurura, Lighthouse arrezifeko atoloian, izugarrizko zulo bat dago, zirkulu formakoa: Zulo Urdin Handia esaten diote. 305 metroko diametroa du. Interesgarria izango litzateke zulo horren azalera neurtzea eta erreferentzia ezagunekin alderatzea, ezta?

Iturria: http://www.escolar.net/foro3/viewtopic.php?f=21&t=27732

Zirkuluaren azalera

Orain, zirkulu baten azalera kalkulatuko dugu.

Aurreko jardueretan erabilitako metodoari jarraituz, lehenengo eta behin, grafikoki neurtuko dugu zirkulu baten azalera. Horretarako, lehenago ikasi duzuen teknika hau erabiliko duzue: “Zirkuluaren azalera neurtzen”.

Proposatu dizuegun jarduera arretaz egiten baduzue, zirkulu baten azalera neurtuko duzue. Baina kalkulu hori aljebraikoki egiteko jarraibideak ere ikasi dituzue.

Jarraibide horiek errepasatu eta praktikatuko ditugu.

Ikusiko zenutenez, zirkulu baten azalera kalkulatzeko, formula hau erabil daiteke:

A =

· r2

Jarduera honen hasieran proposatutako kalkulua egingo dugu orain, formula hori eta kalkulagailua erabiliz.

Oso handia al da Zulo Urdin Handia?

Lortutako emaitza horri buruzko erreferentzia bat izan dezazuen, Zulo Urdin Handiaren azalera eta futbol-zelai batena alderatuko ditugu.

Oro har, arauzko futbol-zelai batek 110 metro luze eta 75 metro zabal izan behar du, hartan nazioarteko partiduak jokatzeko.

Laukizuzenen azalera kalkulatzen ikasi duzuenez…

Bada, zirkulu horretan, arauzko 35,4 futbol-zelai sartuko lirateke, gutxi gorabehera!

Jarduera osagarria

Posizio erlatiboak

Geometriak irudi konplexuak marrazteko eta egiteko aukera ematen digu, elementu sinpleetan oinarrituta.

Horretarako, objektu batzuk posizio egokian eta elkarrekin erlazionatuta jartzen jakin behar dugu.

Konposizio horiek egiteko, ezinbestekoa da jakitea elementu bakoitza zer posiziotan dagoen.

Orain proposatzen dizuegun jardueran, erraz jakingo duzue zein diren elementu sinpleen posizio erlatiboa.

“Posizio erlatiboak”

JARDUERAK

Ikastetxean, saskibaloi-zelaiko marrak eta, bereziki, erdiko zirkulua egiteko eskatu dizuete. Hasi baino lehen, behar adina pintura ote duzuen erabaki behar duzue. Horretarako, zelaiaren erdiko zirkuluak zer azalera duen kalkulatu behar duzue. Ikaskideen laguntzarekin, eta neurketa-zinta bat erabiliz, egiaztatu zirkulu horren erradioa 3 metrokoa dela. Zer azalera du saskibaloi-zelaiko erdiko zirkuluak?

Zaldi bat birak ari da ematen entrenamendu-pista biribil batean. Zaldi batek pistaren zirkunferentzia egiten duen bakoitzean, 43,982 metroko distantzia egiten du. Zer azalera du pista biribilak?

Luzera eta azalera errepasatzeko egin klik hemen.

Zirkulua eta zirkunferentzia
http://recursostic.educacion.es/gauss/web/materiales_didacticos/primaria/actividades/geometria/figuras_curvas/circulo_circunferencia/actividad.html