1. urratsa

Hasteko, objektu bakoitzaren masa neurtuko dugu balantzan (g). Ondoren, banan-banan sartuko ditugu probetan, eta bakoitzaren bolumena (mL) neurtuko dugu. Datuak taulan idatzi, eta dentsitatea kalkulatuko dugu (g/mL)

2. urratsa

Ondoren, prezipitatu-ontziaren edukiaren dentsitatea 1 g/mL-ra jarriko dugu (uraren dentsitatea). Objektuak banan-banan sartuko ditugu, eta taula osatuko dugu, hondoratzen diren edo flotatzen duten idatziz.

3. urratsa

Taulako emaitzak aztertu, eta datuen erregulartasunak bilatuko ditugu.

•  Ariketa honetan, zein da mendeko aldagaia eta zein independentea?
• Zerk erabakitzen du zerbaitek flotatu egiten duen ala hondoratu egiten den?
• Objektu bakoitzaren masa eta bolumenak alderatzen baditugu, ba al dago patroirik flotatzen dutenen artean? Ondoriorik atera dezakegu?
• Eta hondoratzen diren guztien artean?
• Blokeen masa handituko bagenu, gehiago ala gutxiago hondoratuko lirateke? Eta bolumena handitzen badugu?

Aldez aurretik zerbaiten masa eta bolumena baldin badakizkigu, aurreikus al dezakegu uretan flotatuko duen ala ez?

4. urratsa

Orain ikertuko dugu zer gertatzen den likidoaren dentsitatea urarena ez bezalakoa bada. Horretarako, bi dentsitate-balio aukeratuko ditugu, 1 g/mL baino txikiagoa bata eta handiagoa bestea, eta taula honetan idatziko ditugu.

 Aukeratutako dentsitate-balioa 1 g/mL baino txikiagoa:..................

Aukeratutako dentsitate-balioa 1 g/mL baino handiagoa: ……………………..

5.urratsa

Objektuak prezipitatu-ontzian jarri aurretik, aurreko ondorioekin, flotatuko duten edo hondoratuko diren jakiteko iragarpenak egingo ditugu. Taldean eztabaidatuko ditugu gure arrazoiak,

6.urratsa

Orain, simulagailua erabiliko dugu. Objektua ontzira sartuko dugu, likidoaren dentsitatea 1 g/mL baino txikiagoa duena behin, eta likidoaren dentsitatea 1 g/mL baino handiagoa duena beste behin. Emaitzak taulan jasoko ditugu.

• Zein objektuk dute ontzian hautatutako likidoak baino dentsitate handiagoa? Zeinek txikiagoa?
• Zein da objektuaren dentsitatearen, likidoaren dentsitatearen eta objektuak flotatzeko duen joeraren arteko erlazioa?
• Zuzenak al ziren gure iragarpenak?
• Garrantzitsua al da zientzian horrelako iragarpenak egin ahal izatea?

7.urratsa

Azkenik, simulagailuan ontziaren likidoaren dentsitate minimoa jarriko dugu (0,2 g/mL) eta objektu guztiak batera murgilduko ditugu. Likidoaren dentsitatearen balioa igotzen joango gara, gehienezko baliora iritsi arte, eta zer gertatzen den behatuko dugu..

• Zer dentsitate izan beharko luke ontziko likidoak, objektu gehienak hondora daitezen?
• Eta gehienek flota dezaten?
• Esan al dezakegu objektu dentsoak eta ez hain dentsoak daudela, zein likidotan urperatzen diren kontuan hartu gabe?
• Begiratu Fisicanet-en dentsitate-taula hau. Zer objektuk flotatzen dute bentzenotan? Eta glizerinatan? Eta merkuriotan?

8.urratsa

Azken ondorioak. Landutako guztiarekin, aldagai guztiak ordenatuko ditugu, eta haien artean zer erlazio dagoen pentsatuko dugu. Zer ondorio atera ditzakegu flotazioari buruz?