Zientzietan jarduteko ezinbestekoa da Nazioarte Sistemako Unitateak oso ondo ezagutzea eta unitate-aldaketetan erraztasunez aritzen jakitea. Ikasgelan ariketak egin ondoren, errepasatu egingo ditugu joko-karta erraz baten bitartez. Bide batez, objektu askoren tamaina erlatiboa ezagutuko dugu. 

Binaka jolasten da. Irakasleak emango dizkigu kartak. Helbide honetan deskargatu daitezke: Linean jolasten (deskargatu formatu editagarria, odt, eta pdf)

“Seiko urrean” bezala jolasten da:

1. Karta guztiak banatzen dira jokoan parte hartzen duten lagun guztien artean.
2. “Globulu gorri baten diametroa” karta duenak, mahai gainean ipiniko du.
3. Hortik aurrera, karta ilarak osatu beharko dira, gorantz zein beherantz: “Mitokondria baten diametroa” karta duenak, mahai gainean jarriko du edo “Globulu gorri baten diametroa” duenak, eta horrela hurrenez hurren.
4. Karta bat ipintzen den bakoitzean, azaldu egingo da zergatik.
5. Karta barik geratzen den lehenak irabaziko du.